Re rorisa Jehova re le sehlopha ha re le libokeng, likopanong tsa potoloho le likopanong tsa setereke. Hape re mo rorisa ha re le bang le ha re e-na le malapa a rona. U ka sebelisa litlhahiso tse latelang ha u ithuta u le mong kapa le le lelapa:

• Lokisetsa liboka. U ka boela oa ithuta ho bina lipina tse tl’o binoa libokeng le ho thusa bohle ka lapeng hore ba lokisetse likarabo.

• Bala tlaleho ea Bibele. Ka mor’a moo, toroea setšoantšo sa ketsahalo e hlahang tlalehong eo kapa u ngole seo u ithutileng sona.

• Bala thapelo e hlahang ka Bibeleng ebe oa nahana hore na e ka u thusa joang hore u ntlafatse lithapelo tsa hao.

• Shebella video e hlahang ho jw.org ebe u buisana ka eona le ba bang kapa u ngole lintlha tseo u li ratileng videong eo.

• Lokisetsa tšimo. Mohlomong e mong ka lapeng e ka ba mong’a ntlo.

• Sheba popo ’me u nahanisise ka eona kapa u buisane le ba bang ka hore na e u ruta’ng ka Jehova. a