Ka lebaka la ho tšoenyeha ka lefatše lee le tletseng mathata, batho ba bangata ha ba sa boloka kamano ea bona le batho bao ba ba ratang.

• Batho ba ikarola ho metsoalle ea bona.

• Banyalani ba phelisana ka tsela e sa bontšeng mosa.

• Batsoali ha ba ele hloko lintho tseo bana ba bona ba tšoenyehileng ka tsona.

• Metsoalle ke ea bohlokoa haholo hobane e re thusa hore re lule re phetse hantle ’meleng le maikutlong haholo-holo linakong tse thata.

• Ho tšoenyeha ka lebaka la lintho tse bohloko tse etsahalang lefatšeng, ho ka bakela lelapa la hao mathata.

• Ha bana ba utloa kapa ba bona lintho tse tšosang litabeng, ba ka tšoha haholo ho feta kamoo u nahanang ka teng.

Seo Bibele e se buang: “Motsoalle oa ’nete o lerato ka linako tsohle, ’me ke mor’abo motho ea tsoaletsoeng ha ho ena le mahlomola.”​—Liproverbia 17:17.

Metsoalle e ka re thusa ea ba ea re eletsa. Metsoalle eo, e ka re thusa hore re be le matla a ho mamella mathata a letsatsi ka leng.