Ho Sebelisa Chelete Hantle
Bibele e thusitse batho ba bangata hore ba se ke ba qoela ka har’a mathata a lichelete.
ETSA MORALO
MOLAO-MOTHEO: “Ka sebele merero ea ea khothetseng e tlisa molemo, empa ka sebele e mong le e mong ea lepotlapotla o leba bohloking.”—Liproverbia 21:5.
HO BOLELOA’NG? Ngola hore na u batla ho sebelisa chelete joang ebe u latela ntho eo u e ngotseng. Nahana pele hore na u batla ho etsa’ng ka eona pele u ka qala ho e sebelisa. E sebelise hantle, u hopole hore ha se lintho tsohle tseo u li batlang tseo u ka khonang ho li reka.
U KA ETSA’NG?
-
Etsa moralo oa ho sebelisa chelete. Ngola lintho tsohle tseo u li hlokang ebe u li beha ka mekhahlelo, joaloka ka lijo, liaparo, bolulo le tse ling. Ha u qeta, sheba hore na u batla ho sebelisa chelete e kae bakeng sa mokhahlelo ka mong. Haeba u sebelisitse chelete e ngata ho feta eo u neng u nahanne hore u tla e sebelisa, u ka tlatsa ka e mokhahlelong o mong. Mohlala, haeba u sebelisitse chelete e ngata haholo bakeng sa mafura a koloi, u ka nka e ’ngoe eo e seng ea lintho tsa bohlokoa hakaalo e kang eo u neng u e behetse ho intša ka eona.
-
Qoba ho etsa likoloto. U se ke oa kalima chelete le ha ho sa hlokahale. U ka mpa oa boloka chelete e le hore u tle u reke lintho tseo u li hlokang. Haeba u sebelisa credit card, patala chelete eo u e kolotang kaofela mafelo a khoeli e le hore u se ke oa tl’o patala tsoala. Haeba u na le sekoloto, ngola hore na u tla se patala joang ebe u tšepahalla ntho eo u e ngotseng.
Lipatlisiso li bontša hore ha motho a sebelisa credit card, o reka le lintho tseo a sa li hlokeng. Kahoo haeba u na le eona, e sebelise hantle.
QOBA MEKHOA E MEBE
MOLAO-MOTHEO: “Ka lebaka la mariha ea botsoa a ke ke a lema, o tla kopa nakong ea kotulo, empa ho tla be ho se na letho.”—Liproverbia 20:4.
HO BOLELOA’NG? Motho a ka futsaneha ka lebaka feela la botsoa. Kahoo, sebetsa ka thata, u boloke chelete eo u tla e sebelisa ka moso.
U KA ETSA’NG?
-
Sebetsa ka thata. Ha u sebetsa ka thata, mohiri oa hao u tla u rata a be a batle hore u lule u sebetsa le eena.
-
Tšepahala. U se ke oa utsoa mosebetsing. Ha u sa tšepahale mosebetsing, u tla iketsetsa lebitso le lebe ebile ha ho na motho ea tla u hira.
-
U se ke oa ba meharo. Ha u lula u batla chelete e ngata u ke ke oa phele hantle ebile u tla senya setsoalle sa hao le batho ba bang. U lokela ho hopola hore chelete ha se eona ntho ea bohlokoa haholo-holo bophelong.
MELAO-MOTHEO E MENG
Bala Bibele inthaneteng, e fumaneha ka lipuo tse makholo ho jw.org/st.
U SE KE OA LUMELLA HORE MEKHOA E MEBE E U JELLE NAKO LE CHELETE.
“Etsoe letahoa le monyollo ba tla futsaneha, ’me ho otsela ho tla apesa motho maharasoa.”—LIPROVERBIA 23:21.
U SE KE OA ITŠOARISA HLOOHO KA CHELETE.
“Khaotsang ho tšoenyeha ka meea ea lona hore na le tla ja’ng kapa le tla noa’ng, kapa ka ’mele ea lona hore na le tla apara’ng.”—MATHEU 6:25.
U SE KE OA BA MONA.
“Motho ea mona o lelekisa ho rua, empa ha a tsebe hore bohloki bo tla mo oela holimo.”—LIPROVERBIA 28:22. NWT *
^ ser. 23 NWT e emela phetolelo ea morao-rao ea New World Translation of the Holy Scriptures.
Mohlomong u ka Rata le
MOLULA-QHOOA
Le ka Etsa’ng ha le E-na le Likoloto?
Malapa a ka etsa’ng haeba ho bonahala eka ho tsoa likolotong hase ntho e bonolo?
MOLULA-QHOOA
Kamoo Motho a ka Phelang ka Seo a Nang le Sona
TSOHA!
E-ba le Maikutlo a Nepahetseng ka Chelete
Lipotso tse supileng tse ka u thusang hore u itlhahlobe hore na u na le pono e leka-lekaneng ka chelete kapa che.
LIHLOOHO TSE LING
U ka Phela ka Chelete e Nyenyane Joang?
Lehoja u ka tšoenngoa ke maemo a hao a lichelete, ho na le lintho tseo u ka li etsang tse tsoang ka Bibeleng tse ka u thusang hore u phele ka chelete e nyenyane.
LIPOTSO TSA BIBELE LIA ARAJOA
Mathata a Lichelete le Likoloto—Na Bibele e ka Thusa?
Chelete e ke ke ea u rekela thabo, empa melao-motheo ea Bibele e mene e ka u thusa ho sebelisa chelete hantle.
TSOHA!
Litsela Tsa ho Sebelisa Chelete ka Bohlale
U se ke ua emela hore chelete ea hao e fele pele u ka hlahlobisisa tsela eo u e sebelisang ka eona. Ithute kamoo u ka laolang tsela eo u sebelisang chelete ka eona pele e tsoa taolong.
