Letsatsi le Lokelang ho Hopoloa

MANTSIBOEA a pele Jesu Kreste a e-shoa, o ile a fa baapostola ba hae bohobe bo sa lomosoang le senoelo sa veine e khubelu eaba o ba laela hore ba bo je le ho e noa. O ile a boela a re ho bona: “Le ’ne le etse sena ho nkhopola.”—Luka 22:19.

Selemong sena mokete oa ho ikhopotsa ketsahalo ena o tla ba ka Sontaha sa la 4 April, ka mor’a hore letsatsi le likele. Lipaki Tsa Jehova lefatšeng lohle li tla be li bokane phirimaneng eo ho keteka Sehopotso sena ka mokhoa oo Jesu a laetseng hore se ketekoe ka oona. U mengoa ka mofuthu hore u tl’o ba le tsona ketsahalong ena. Ka kōpo botsa e mong oa Lipaki Tsa Jehova ea lulang sebakeng sa heno hore na seboka sena se khethehileng hantle-ntle se tla tšoaroa ka nako efe le hore na se tla tšoareloa hokae.