Ho Labalabela Lintho Tse Eketsehileng

“Haeba re sa khotsofale, ha ho mohla re tla re ho lekane.”—Worldwatch Institute report.

“RE BATLA eng? Ntho e ’ngoe le e ’ngoe. Re e batla neng? Hona joale.” Lepetjo lena le ne le tloaelehile har’a liithuti tse ling tsa koleche lilemong tsa bo-1960. Mohlomong kajeno mantsoe ana a ke ke a utloahala ka ho toba, empa moelelo oa oona o saletse. Ka sebele, ho labalabela lintho tse eketsehileng ho bonahala e le letšoao la mehla ea rōna.

Ntho ea pele eo batho ba bangata ba batlang ho e fumana ke leruo le matlotlo. Mopresidente oa mehleng oa United States, e leng Jimmy Carter, o kile a re: “Motho ha a sa tsejoa ka seo a se etsang empa o se a tsejoa ka seo a nang le sona.” Na ho na le lintho tsa bohlokoa ho feta matlotlo? Haeba ho joalo, ke life, ’me li tla tlisa melemo efe?