Lipotso Tsa Bibele Lia Arajoa
Na Molimo o amohela malumeli ’ohle?
a u mamela litaba e ka ’na eaba u hlokometse hore ka linako tse ling batho ba ipitsang balumeli ba etsa lintho tse mpe. Hase malumeli ’ohle ao Molimo a a amohelang. (Matheu 7:15) Ka sebele batho ba bangata ba khelositsoe.—Bala 1 Johanne 5:19.
Leha ho le joalo, Molimo o ela hloko batho ba ratang lintho tse lokileng le ’nete. (Johanne 4:23) Molimo o khothalletsa batho ba joalo hore ba ithute ’nete e tsoang Lentsoeng la hae, Bibele.—Bala 1 Timothea 2:3-5.
U ka tseba bolumeli ba ’nete joang?
Jehova Molimo o kopanya batho ba tsoang malumeling a mangata ka ho ba ruta ’nete le ho ba ruta hore ba ratane. (Mikea 4:2, 3) Kahoo, u ka tseba litho tsa bolumeli ba ’nete ka tsela eo li hlokomelanang ka eona.—Bala Johanne 13:35.
Jehova Molimo o kopanya batho ba mefuta eohle borapeling ba ’nete.—Pesaleme ea 133:1
Barapeli ba ’nete ba theha tumelo ea bona le tsela eo ba phelang ka eona Bibeleng. (2 Timothea 3:16) Ba boetse ba hlompha lebitso la Molimo. (Pesaleme ea 83:18) Ba buella ’Muso oa Molimo e le oona feela tšepo ea batho. (Daniele 2:44) Ba etsisa Jesu ha ba khantša leseli la bona ’me ba tšoara baahelani ba bona hantle. (Matheu 5:16) Ka lebaka leo, Bakreste ba ’nete ba tsebahala ka ho etela batho malapeng a bona ka sepheo sa ho ba bolella litaba tse molemo tsa ’Muso oa Molimo.—Bala Matheu 24:14; Liketso 5:42; 20:20.
Mohlomong u ka Rata le
LIPOTSO TSA BIBELE LIA ARAJOA
Na Malumeli ’Ohle aa Tšoana? Na Kaofela ke Litsela Tse Lebang ho Molimo?
Bibele e fana ka lintlha tse peli e le karabo.
