SEHLOOHO SE KA NTLE | NA U KA RATA HO ITHUTA BIBELE
Lenaneo la ho Ithuta Bibele la Batho Bohle
Lipaki Tsa Jehova li tsebahala ka mosebetsi oa tsona oa ho bua le batho ka Bibele. Empa na u ne u tseba hore re na le lenaneo la ho ruta batho Bibele lefatšeng ka bophara?
Ka 2014, Lipaki tse ka holimo ho 8 000 000 linaheng tse 240 li ile tsa ruta batho ba ka bang 9 500 000 Bibele khoeli le khoeli. * Palo ea batho ba ithutang Bibele le rōna e feta ea baahi ba linaha tse ling!
E le hore re etse mosebetsi ona oa ho ruta batho Bibele, ka selemo re hatisa Libibele, libuka, limakasine le likhatiso tse ling tse thusang batho ho ithuta Bibele tse ka bang 1 500 000 000 (bilione le halofo) ka lipuo tse 700! Mosebetsi ona oa ho hatisa lingoliloeng oo ho seng mokhatlo o mong o o etsang, o thusa batho ho ithuta Bibele ka puo eo ba e utloisisang.
LIKARABO TSA LIPOTSO TSEO BATHO BA ATISANG HO LI BOTSA KA LENANEO LA RŌNA LA THUTO EA BIBELE
Thuto ea Bibele e tšoaroa joang?
Re tšohla lihlooho tse sa tšoaneng ebe re hlahloba litemana tsa Bibele tse amanang le sehlooho ka seng. Ka mohlala, Bibele e araba lipotso tse kang: Molimo ke mang? O na le ’mele oa mofuta ofe? Na o na le lebitso? O lula hokae? Na re ka ba metsoalle ea hae? Taba ke hore na re ka fumana likarabo tsa lipotso tseo hokae ka Bibeleng.
Ho thusa batho ho fumana likarabo tsa lipotso tseo, hangata re sebelisa buka ea Ha e le Hantle ke Eng Seo Bibele e se Rutang? * e maqephe a 224. Buka ena e etselitsoe ho thusa batho ho utloisisa lithuto tsa motheo tsa Bibele. E na le lihlooho tse buang ka Molimo, Jesu Kreste, mahlomola a batho, tsoho ea bafu, thapelo le tse ling tse ngata.
Thuto e ka tšoareloa hokae hona neng?
Thuto e ka tšoareloa sebakeng se u loketseng le ka nako eo u e behileng.
Thuto e nka nako e kae?
Batho ba bangata ba ithuta ka nako e ka etsang hora ka beke. Empa nako ea thuto e itšetleha ka maemo a hao. Re ka etsa hore thuto e lumellane le kemiso ea hao. Batho ba bang ba nka metsotso e 10 kapa e 15 ka beke.
Thuto e lefelloa bokae?
Thuto le likhatiso tse sebelisoang ha li lefelloe. Sena se lumellana le taelo ea Jesu e reng: “Le amohetse ntle ho tefo, le fane ntle ho tefo.”—Matheu 10:8.
Motho o ithuta ho fihlela neng?
Re ka ithuta le uena ho fihlela u khotsofetse. Buka ea Ha e le Hantle ke Eng Seo Bibele e se Rutang? e na le likhaolo tse 19. U ka ithuta tsona kaofela kapa ua khetha tseo u li ratang ’me ho ka ithutoa palo ea lirapa tseo u li khonang thutong ka ’ngoe.
Na ha ke qeta thuto ke lokela ho ba Paki ea Jehova?
Che. Re hlompha tokelo ea hao ea ho khetha seo u batlang ho se lumela. Leha ho le joalo, ha motho a tseba lithuto tsa motheo tsa Bibele a ka etsa khetho e bohlale.
Nka fumana boitsebiso bo bong hokae?
Websaete ea jw.org e fana ka boitsebiso bo nepahetseng ka mesebetsi ea Lipaki Tsa Jehova le seo li se lumelang.
Nka kōpa thuto ea Bibele joang?
-
Etsa kōpo inthaneteng ho www.pr418.com.
-
Iteanye le Lipaki Tsa Jehova tsa sebakeng sa heno. U ka sheba “Lipaki Tsa Jehova” bukeng ea linomoro tsa thelefono ea sebakeng sa heno.
Mohlomong u ka Rata le
MOSEBETSI OA HO HATISA
Mosebetsi oa Khatiso Lefatšeng Lohle—O Thusa Batho ho Ithuta ka Molimo
Lipaki Tsa Jehova li na le libaka tse 15 tsa khatiso lefatšeng ka bophara ’me li hatisa lingoliloeng tse thehiloeng Bibeleng ka lipuo tse fetang 650.
LIPOTSO TSA BIBELE LIA ARAJOA
Na Bibele e ka Nthusa ho ba le Lelapa le Thabileng?
Keletso e bohlale e tsoang ka Bibeleng e se e thusitse banna le basali ba limilione hore ba be le malapa a thabileng.
MABAPI LE RŌNA
Ho Etsahala’ng Thutong ea Bibele?
Lefatšeng ka bophara, Lipaki Tsa Jehova li tsebahala ka ho ithaopela ho ithuta Bibele le batho mahala. Shebella hore na sena se etsuoa joang.
MABAPI LE RŌNA
Kōpa Thuto ea Bibele
U ka rutoa Bibele ka nako ea hao le sebakeng seo u se khethang ntle ho tefo.
MABAPI LE RŌNA
Ke Hobane’ng ha U Lokela ho Ithuta Bibele?
Bibele e thusa batho ba limilione hore ba fumane likarabo tsa lipotso tsa bohlokoa bophelong. Na u ka rata ho ba e mong oa bona?
