Che. Lipaki Tsa Jehova ke Bakreste, empa ha re inke re le Maprostanta. Hobane’ng?

Boprostanta bo ’nile ba hlalosoa e le “mokhatlo oa bolumeli o hanyetsang kereke ea Roma e K’hatholike.” Le hoja e le ’nete hore Lipaki Tsa Jehova ha li lumellane le lithuto tsa K’hatholike, ha re inke re le Maprostanta ka mabaka a latelang:

1. Lithuto tse ngata tsa Boprostanta ha li lumellane le seo Bibele e se rutang. Ka mohlala, Bibele e ruta hore “ho na le Molimo a le mong” eseng Boraro-bo-bong. (1 Timothea 2:5; Johanne 14:28) E hlalosa ka ho hlaka hore Molimo o ahlola batho ba khopo, eseng liheleng, empa ka timetso ea ka ho sa feleng.​—Pesaleme ea 37:9; 2 Bathesalonika 1:9.

2. Ha re khahlanong le Kereke ea K’hatholike ebile ha re leke ho fetola lithuto tsa eona kapa tsa bolumeli leha e le bofe. Ho e-na le hoo, re bolella batho litaba tse molemo tsa ’Muso oa Molimo, ’me re leka ka matla ho ba thusa hore ba be le tumelo litabeng tseo tse molemo. (Matheu 24:14; 28:19, 20) Ha rea ameha ka ho fetola malumeli a mang, empa re amehile ka ho ruta batho ba tšepahalang ’nete ka Molimo le ka Lentsoe la hae, e leng Bibele.​—Bakolose 1:9, 10; 2 Timothea 2:24, 25.