Lipaki Tsa Jehova li lumela hore merabe eohle e ea tšoana ho Molimo. (Liketso 10:34, 35) Re leka ho thusa batho ho hlōla khethollo eo ba bileng le eona ka lilemo tse ngata ka ho ithuta Bibele le bona.

Ho phaella moo, ha re tšehetse mokhatlo o khothalletsang batho ho hloea ba morabe o mong kapa ba bolumeli bo bong. Ka mohlala, nakong ea Bonazi, Lipaki Tsa Jehova tsa Jeremane le libakeng tse ling li ile tsa hana ho tšehetsa letšolo la Hitler le khothalletsang lehloeo. Batho ba makholo ba ile ba bolaoa ka lebaka la ho hana ho tšehetsa letšolo leo.

Ka ho tšoanang, ka 1994 Lipaki ha lia ka tsa khothalletsa litho tsa tsona ho kenya letsoho tlhaselong e neng e reretsoe ho timetsa batho ba morabe o mong Rwanda. Ha e le hantle, tse ling li ile tsa beha bophelo ba tsona kotsing kapa tsa shoa ha li ne li sireletsa barapeli-’moho le tsona ba neng ba tsongoa le ho bolaoa.

Kaha re lakatsa ho thusa batho bohle, re hatisa le ho aba lingoliloeng tse thehiloeng Bibeleng ka lipuo tse ka bang tse 600. Kahoo, liphuthehong tsa rōna ho na le batho ba tsoang “lichabeng tsohle le melokong eohle le bathong bohle le malemeng ’ohle.”—Tšenolo 7:9.