Ka lilemo tse supileng tse latellanang, sebaka seo Lipaki Tsa Jehova tsa Mexico li hatisetsang ho sona se fuoe khau ea ho ba Sebaka se Hloekileng.

Ka la 26 September, 2012, ’muso oa Mexico o ile oa fa Lipaki Tsa Jehova khau, ka lebaka la “boiteko ba [tsona] ba ho hlokomela tikoloho le ho e sireletsa.”

Lenaneo lena la ho fana ka likhau le thusa likhoebo hore li sebelise litsela tse sireletsang tikoloho. Lipaki Tsa Jehova li nka karolo lenaneong lena selemo le selemo, le hoja mokhatlo oa tsona o sa etse phaello. ’Muelli oa sebaka seo sa khatiso Mexico, o ile a re: “E le hore re fumane khau ena, re tlameha ho fana ka bopaki ba hore litsela tseo re li sebelisang le likhase tse tsoelang moeeng li tumellanong le melao ea naha lintlheng tse supileng: e leng tlhokomelo ea moea, metsi, litšila, lintho tse chefo tse lahloang, tšireletseho, motlakase le tikoloho. Mekhatlo ea indasteri ha e qobelloe ho kena lenaneong lena. Re kena ka ho rata.”

Lipaki Tsa Jehova lefatšeng ka bophara li etsa sohle seo li ka se khonang ho qoba ho silafatsa tikoloho.