SYDNEY—Metsi a likhohola tse matla a ile a koahela Australia bochabela ka mor’a hore Leholiotsoana Oswald le bake litsokotsane, maqhubu a befileng le lipula tse matla Queensland le New South Wales leboea. Ho ile ha shoa batho ba ka bang bane ’me ba fetang 1 000 ba ile ba ntšoa malapeng a bona. Toropo ea Bundaberg, e lebōpong le bohareng la Queensland, e ile ea senngoa hampe ke sefefo se ileng sa baka litsokotsane tse ling tse hlano le likhohola tse matla.

Ofisi ea lekala ea Lipaki Tsa Jehova e Sydney e tlaleha hore ha hona Lipaki tse ileng tsa shoa kapa tsa tsoa likotsi ketsahalong eo. Leha ho le joalo, ho senyehile matlo a ka bang 53 a Lipaki toropong ea Bundaberg, ’me batho ba fetang 70 ba ile ba sala ba se na mahae. Batho ba ileng ba siea mahae a bona, bao ba bang ba bona ba ileng ba pholosoa ka helikopthara, ba fuoe bolulo ke baahelani ba bona kapa Lipaki tsa motseng oo.

Baholo ba bang ba Lipaki ba sebakeng seo ba ile ba theha komiti ea liphallelo e le hore e ka hlophisa mosebetsi oa ho fana ka liphallelo. Sebakeng seo sa Bundaberg, Lipaki tse fetang 250 le tsona li ile tsa ithaopela ho thusa, tse ling li ne li lokela ho tsamaea leeto la bolelele ba limaele tse fetang 100 e le hore li ka thusa batho ba hlasetsoeng ke likhohola.

Raliphatlalatso:

Raliphatlalatso oa Machaba: J. R. Brown, Ofisi ea Boitsebiso, tel. +1 718 560 5000

Australia: Donald MacLean, tel. +61 2 9829 5600