Lipaki Tsa Jehova tse peli tsa Dominican Republic li ile tsa etsa lechato le sa lebaleheng ka la 28 August, 2013. Ho tloha ka bo-1954, manyalo a neng a etsoa ke mokhatlo o mong ntle le Kereke e K’hatholike kapa bangolisi ba sechaba, a ne a nkoa a se molaong naheng eo ka lebaka la tumellano e neng e le teng pakeng tsa Dominican Republic le Vatican. Ka lebaka leo, ho phaella moketeng oa lenyalo oo Lipaki Tsa Jehova li neng li o etsa, li ne li lokela ho ngolisa manyalo a tsona ’musong. Leha ho le joalo, molao o mocha o nka manyalo a tiisitsoeng ke malumeli a mang ho akarelletsa le ba Lipaki Tsa Jehova a le molaong. Lenyalo le ileng la ba ka la 28 August e ile ea e-ba la pele har’a ao e seng a Mak’hatholike naheng eo.

Raliphatlalatso:

Raliphatlalatso oa Machaba: J. R. Brown, Ofisi ea Boitsebiso, tel. +1 718 560 5000

Dominican Republic: Josué Feliz, tel. +1 809 595 4007