Ka mor’a lilemo tse 14 tsa ho isana makhotleng, ka la 11 December, 2012, ’muso oa Fora o ile oa lokela ho buseletsa Lipaki Tsa Jehova lieuro tse 6 373 987,31 (R70 113 860,41).

Ka 1998 ’muso o ile oa laela hore Lipaki Tsa Jehova li lefisoe lekhetho le etsang karolo ea 60 lekholong la menehelo ea bolumeli e bokeletsoeng lilemong tse fetileng, ’me ka 2003 tsa qobelloa hore li ntše karolo ea chelete eo. Lekhotla la Europe la Litokelo Tsa Botho le ile la fumana ’muso oa Fora o le molato oa ho kena-kenana le tokoloho ea bolumeli ea Lipaki Tsa Jehova ka ho li lefisa lekhetho le seng molaong leo haeba li ile tsa tsoela pele ho le lefa, ho neng ho tla fella ka hore Lipaki li rekise liofisi tsa tsona naheng eo le ho sitisa mosebetsi oa tsona oa ho ruta batho Bibele. Kaha Lekhotla le entse qeto ea hore lekhetho leo le ne le se molaong, ’muso oa Fora o se o etsa lintho tumellanong le qeto ea Lekhotla ka hore o busetse chelete eo o ileng oa e lefisa Lipaki e se e e-na le phaello le ho lefa litšenyehelo tsohle tse amanang le nyeoe.

Raliphatlalatso:

J. R. Brown, Ofisi ea Boitsebiso, tel. +1 718 560 5000

Fora: Guy Canonici, tel. +33 2 32 25 55 55