Mathoasong a September 2013 ho isa bohareng ba eona, Sefefo sa Ingrid le Manuel tse tsamaisanang le lipula tse ileng tsa baka ho ritsa ha seretse, li ile tsa otla Mexico. Lifefo tsena li ile tsa senya matlo le masimo, ’me tsa bolaea batho ba ka bang 80. E mong oa Lipaki Tsa Jehova o ile a tsoa likotsi koluoeng eo. Ho phaella moo, ho koaloa ha litsela ho ile ha sitisa Lipaki tse fetang 300 tse neng li ile kopanong ea setereke Chilpancingo, profinseng ea Guerrero, ho khutlela malapeng a tsona. Lipaki tseo li ile tsa fuoa bolulo Holong ea Kopano ea Lipaki Tsa Jehova kapa malapeng a Lipaki tse ling tsa sebakeng seo. Baemeli ba tsoang ofising ea lekala ea Lipaki Tsa Jehova e Mexico, ba tsoela pele ho sebetsa hammoho le balebeli ba tsamaeang le komiti ea liphallelo e entsoeng ka baholo ba Lipaki, ho tiisa hore batho ba anngoeng ke lifefo tsena ba fumana lintho tseo ba li hlokang.

Raliphatlalatso:

Raliphatlalatso oa Machaba: J. R. Brown, Ofisi ea Boitsebiso, tel. +1 718 560 5000

Mexico: Marco Barrera, tel. +52 555 858 0116