LA 20 JANUARY 2021
ANGOLA
Phetolelo ea Lefatše le Lecha e Lokolloa ka Seumbundu
Ka la 16 January 2021, khatiso ea elektronike ea Phetolelo ea Lefatše le Lecha ea Mangolo a Halalelang e ile ea lokolloa ka puo ea Seumbundu. Lenaneo le ile la rekotoa esale pele eaba liphutheho tsohle tsa puo ea Seumbundu naheng ea Angola lia le shebella. Mora oa bo rona Genésio Verdiano, eo e leng setho sa Komiti ea Lekala la Angola, o ile a lokolla Bibele eo.
Seumbundu ke puo e buuoang ke batho ba bangata Angola, ’me ho hakanngoa hore e buuoa ke batho ba limilione tse supileng. Ho na le bahoeletsi ba fetang 6 500 ba buang Seumbundu.
Lihlopha tse peli tsa bafetoleli ba tšeletseng li nkile lilemo tse hlano li sebetsana le phetolelo ena. E mong oa bafetoleli bana o itse: “Phetolelo ena e ncha e tla etsa hore liketsahalo tse boletsoeng ka Mangolong li hlake, hobane ho bonolo ho e utloisisa. Hape e tla etsa hore ho be bonolo ho ruta batho Lentsoe la Molimo tšimong.”
Mora oabo rona e mong oa Komiti ea Lekala o itse: “Rea tseba hore ha batho ba bala Bibele ka lipuo tsa habo bona, ba utloisisa ’nete ka ho hlakileng. Re lebeletse ka tjantjello ho bona kamoo Jehova a tla sebelisa Lentsoe la hae le ngotsoeng ka Seumbundu hore a fumane batho ba eketsehileng.”—2 Bathesalonika 3:1.
Mohlomong u ka Rata le
LIPOTSO TSE BOTSOANG HANGATA
Na Lipaki Tsa Jehova li na le Bibele ea Tsona?
Ho sebelisa Libibele tsa liphetolelo tse fapaneng ho ka matlafatsa tsela eo u ithutang Bibele ka eona. Lintlha tse tharo ka ho khetheha li etsa hore u lokele ho ithuta Phetolelo ea Lefatše le Lecha ea Mangolo a Halalelang.