Mathoasong a June, lipula tse matla tse ileng tsa tšoloha Europe bohareng li ile tsa baka likhohola Austria, Czech Republic, Jeremane, Hungary, Slovakia le Switzerland. Ho ile ha shoa bonyane batho ba 20 ’me ba ka bang 100 000 ba ile ba ntšoa matlong a bona ho pholletsa le sebaka seo. Litlaleho tsa morao tjena, li bontša hore ha ho na Lipaki tse ileng tsa shoa kapa tsa tsoa likotsi tse mpe tlokotsing ena. Leha ho le joalo, Lipaki tsa Jeremane tse ka bang 100 le tse ling tsa Czech Republic, li ile tsa lokela ho ntšoa matlong a tsona. Lipaki tse ntšitsoeng matlong, li ile tsa fumana moo li ka sunyang hlooho teng malapeng a beng ka tsona kapa a Lipaki tse ling sebakeng seo. Ho ile ha senyeha Holo e le ’ngoe ea ’Muso Jeremane le Austria. Baholo ba Lipaki ba ile ba hlophisa ho fana ka liphallelo, ba fa mahlatsipa lintho tseo ba li hlokang le ho ba khothatsa ka Bibele.

Raliphatlalatso:

Raliphatlalatso oa Machaba: J. R. Brown, Ofisi ea Boitsebiso, tel. +1 718 560 5000

Jeremane: Wolfram Slupina, tel. +49 6483 41 3110

Slovakia: Rastislav Eliaš, tel. +421 2 49107611