LA 11 OCTOBER, 2013
LITABA TSA LEFATŠE LOHLE
Phetolelo ea Lefatše le Lecha ea Mangolo a Halalelang e ntlafalitsoeng
Sebokeng se khethehileng se neng se tšoeroe ka la 5 October, 2013, Lipaki Tsa Jehova li ile tsa lokolla Bibele ea Senyesemane e ntlafalitsoeng ea Phetolelo ea Lefatše le Lecha ea Mangolo a Halalelang. Komiti ea Phetolelo ea Bibele ea Lefatše le Lecha e ile ea bua ka liphetoho tse entsoeng Bibeleng ena, ea bontša hore ho sebelisitsoe puo e buuoang mehleng ena ’me seo se etsa hore mantsoe a ka Bibeleng e be a hlakileng e le hore batho ba ka thabela ho e bala le ho e utloisisa. Ho latela lipatlisiso tse ling tse entsoeng Meqolong ea Leoatle le Shoeleng le libukeng tse ling tsa boholo-holo tse ngotsoeng ka letsoho, phetolelo ena e boetse e akarelletsa mangolo a mang a tšeletseng ao ho ’ona ho hlahang lebitso la Molimo: Baahloli 19:18; 1 Samuele 2:25; 6:3; 10:26; 23:14, 16. PDF ea khatiso ea phetolelo ena e ea fumaneha le lenaneong le lecha la JW Library hore u ka e kopitsa mahala ho www.pr418.com/st.
Raliphatlalatso:
Raliphatlalatso oa Machaba: J. R. Brown, Ofisi ea Boitsebiso, tel. +1 718 560 5000
Mohlomong u ka Rata le
LIPOTSO TSE BOTSOANG HANGATA
Na Lipaki Tsa Jehova li na le Bibele ea Tsona?
Ho sebelisa Libibele tsa liphetolelo tse fapaneng ho ka matlafatsa tsela eo u ithutang Bibele ka eona. Lintlha tse tharo ka ho khetheha li etsa hore u lokele ho ithuta Phetolelo ea Lefatše le Lecha ea Mangolo a Halalelang.