La 19 January 2021, Lekhotla la Profinse ea Kamchatka le ile la qhela boipiletso ba Mora oa bo rona Sergey Ledenyov. Kahoo, kahlolo ea pele e fanyehiloeng ea chankana ea lilemo tse peli ha ea fetoloa. Sena se bolela hore ha ho hlokahale hore a ee chankaneng hona joale.

Pele lekhotla le phatlalatsa qeto ea lona nyeoeng ea boipiletso, Sergey o ile a fuoa monyetla oa ho bua le lekhotla. O ile a emela tumelo ea hae ka sebete ’me a bolela pepenene hore o ikemiselitse ho rapela Jehova. O itse: “Tumelo ea ka ha ea thehoa ho melao ea mokhatlo ofe kapa ofe, empa e thehiloe Bibeleng. Ka mohlala, ‘ntlo e ’ngoe le e ’ngoe e hahoa ke motho ea itseng, empa ea hahileng lintho tsohle ke Molimo’, hape ‘Jehova ke lebitso la hae.’ (Baheberu 3:4; Exoda 15:3) Ha ho na kahlolo [ea tlolo ea molao] e ka hlakolang mantsoe ao ka Bibeleng le ka pelong ea ka.”