Ka la 15 February, 2013, lefika le hlahang sepakapakeng le ile la phatloha karolong e ka boroa ea Thaba ea Ural, tikolohong ea Chelyabinsk, Russia, la lematsa batho ba fetang sekete, la senya mehaho, ’me la baka tšisinyeho e nyenyane e ileng ea pshatla lifensetere matlong a mangata. Kapele-pele baholo ba Lipaki tsa moo ba ile ba lokisetsa hore ba ikopanye le Lipaki Tsa Jehova kaofela tse sebakeng seo se anngoeng ke koluoa. Lipaki Tsa Jehova tse ka bang robong, ho kopanyelletsa le ngoana a le mong, li ile tsa sehoa ke likhalase tse neng li fokaela moeeng. Ho phaella moo, ntlo e le ’ngoe ea borapeli le mahae a 75 a ile a senyeha hanyenyane. Lipaki tsa sebakeng seo, li kentse letsoho mosebetsing oa ho leka ho tlosa lintho tse senyehileng le maloanlahla.

Raliphatlalatso:

Raliphatlalatso oa Machaba: J. R. Brown, Ofisi ea Boitsebiso, tel. +1 718 560 5000

Russia: Grigory Martynov, tel. +7 812 702 2691