Oregon le ka leboea ho California

• Mello ea hlaha e ileng ea tuka libakeng tse fapaneng tse fetang 700 e ile ea bakoa ke lehalima le ileng la tsekema ka makhetlo a ka bang 14 000 le lintho tse ling. Mello ena e chesitse liakere tse ka holimo ho milione ka leboea ho California le libakeng tse ling tse seterekeng sa Oregon.

• Mosi le molora li ile tsa senya moea, tsa etsa hore o be kotsi. Ka la 21 August, ho ile ha tlalehoa hore libaka tse ka leboea ho California ke tse ling tsa libaka tse neng li e-na le moea o kotsi ka ho fetisisa lefatšeng

• Likoluoa tsa mello ea hlaha tse oetseng libaka tse peli li tlalehoa e le tse ling tsa likoluoa tsa mollo tse kholo ka ho fetisisa historing ea setereke sa California

• Bahoeletsi ba 936 ba ile ba tlameha ho siea mahae a bona ka nakoana

• Matlo a bahoeletsi ba babeli a ile a cha lore!

• Komiti ea Liphallelo, balebeli ba potoloho le baholo ba ntse ba thusa ba anngoeng ke koluoa ena

Bara le barali ba bo rona ba leboha haholo ka hore ebe Bakreste-’moho le bona baa ba thusa. Mor’abo rona e mong o ile a re: “Mokhatlo oa Molimo o tla lula o re phallela ka ho panya ha leihlo ho bata kapa ho chesa. Kaofela ha rona re lelapa.” Mosebetsi ’ohle o ntseng o etsoa ho thusa bana ba bo rona ba anngoeng ke koluoa ena ke bopaki ba hore ha ho letho le ka re ‘arohanyang le lerato la Molimo le leng ho Kreste Jesu Morena oa rona.’​—Baroma 8:39.