BROOKLYN, N.Y.—Lipaki Tsa Jehova li rekiselitse David Bistricer oa Clipper Equity and the Chetrit Group sebaka seo pele e neng e le Hotele ea Bossert e 98 Montague Street, haufi le mohaho oo e leng khale o le teng Brooklyn Heights. Hotele eo ea Bossert e ile ea hahoa ka 1909, e leng selemo seo ka sona Lipaki Tsa Jehova li ileng tsa fallisetsa ntlo-khōlō ea tsona Brooklyn Heights.

Lipaki li ile tsa qala ho sebelisa mohaho oo ka 1983 ’me tsa o reka ka 1988. Hang-hang li ile tsa khelella ka matla ho ntlafatsa mohaho oohle tumellanong le litekanyetso tsa Komiti e Hlokomelang Libaka Tsa Bohlokoa tsa ba tsa hapa khau ka ho beha mohaho oo o le boemong ba oona bo botle bo tsotehang.

Morao tjena Lipaki Tsa Jehova li kopantse mosebetsi oa ho hatisa libuka le ho li kopanya Brooklyn. Ka lebaka la ho fokotseha ha basebetsi, tlhoko ea bolulo Brooklyn e fokotsehile ’me sena se entse hore mohaho oo o rekisoe.

David Semonian, e leng ra-liphatlalatso oa Lipaki o ile a re: “Re ile ra thabela ho hlokomela Bossert ka lilemo tse 25 tse fetileng. Ke mohaho o motle, re ananela tema eo o e khathileng nalaneng ea rōna.”

Raliphatlalatso:

David Semonian, Ofisi ea Boitsebiso, tel. +1 718 560 5000