Bibele e entsoe ka libuka tse 66 tse halalelang. E nkile lilemo tse ka bang 1 600 hore e ngoloe. Bibele e na le molaetsa o tsoang ho Molimo, ke kahoo e bitsoang “lentswe la Modimo.”—1 Bathesalonika 2:13.

Sehloohong sena

•  Lintlha tse mabapi le Bibele

•  Bibele e na le molaetsa ofe?

•  Na molaetsa oa Bibele o fetotsoe?

•  Ke hobane’ng ha ho e-na le liphetolelo tse ngata hakaale tsa Bibele?

•  Ke mang ea entseng qeto ea hore na ho ngoloe eng ka Bibeleng?

•  Na ho na le likarolo tsa Bibele tse lahlehileng?

•  Re ka fumana litemana tsa Bibele joang?

•  Libuka tse hlahang ka Bibeleng

•   Ke mang ea ngotseng Bibele? Molimo ke eena ea ngotseng Bibele, empa o ile a sebelisa banna ba ka bang 40 ho e ngola. Ba ne ba akarelletsa Moshe, Morena Davida, Matheu, Mareka, Luka le Johanne. a Molimo o ile a kenya molaetsa oa hae ka likelellong tsa bona e le hore ba ka o ngola.—2 Timothea 3:16.

   Ka mohlala: Ha rakhoebo a laela mongoli oa hae hore a ngole lengolo, molaetsa oo ke oa hae le hoja o ngotsoe ke mongoli oa hae. Ka ho tšoanang, le hoja Molimo a sebelisitse batho ho ngola Bibele, ha e le hantle ke eena Mongoli oa Bibele.

•   Lentsoe “Bibele” le bolela’ng? Lentsoe “Bibele” le tsoa lentsoeng la Segerike biblia, le bolelang “libuka tse nyane.” Ha nako e ntse e ea, biblia e ile ea hlalosoa e le libuka tse nyenyane tseo ha li kopanngoa li etsang Bibele.

•   Bibele e ngotsoe neng? Bibele e qalile ho ngoloa ka 1513 pele ho mehla ea Jesu eaba e qetoa lilemo tse ka holimo ho 1 600 hamorao, hoo e ka bang ka selemo sa 98.

•   Bibele e ngotsoeng pele ho tse ling kaofela e hokae? Bibele e ngotsoeng pele ho tse ling kaofela ha e sa fumaneha hona joale. Lebaka ke hobane bangoli ba Bibele ba ne ba ngolla holim’a lintho tse senyehang habobebe tse neng li le teng ka nako eo, tse kang loli le matlalo a ngollang. Leha ho le joalo, bakopitsi ba hloahloa ba Bibele ba ile ba lula ba kopitsa ka hloko molaetsa oa Bibele ka lilemo tse makholo e le hore molaetsa ona o ka khona ho baloa le nakong e tlang.

•   “Testamente ea Khale” le “Testamente e Ncha” ke eng? Testamente ea Khale ke karolo ea Bibele e neng e ngotsoe ka Seheberu, b ’me e boetse e bitsoa Mangolo a Seheberu. Karolo e bitsoang Testamente e Ncha ke e ngotsoeng ka Segerike, e boetse e bitsoa Mangolo a Segerike a Bakreste. Likarolo tsena li le peli li etsa buka e feletseng e leng Mangolo a Halalelang. c

•   Bibele e bua ka eng? Likarolo tse fapaneng tsa Bibele li bua ka histori, melao, boprofeta, lithothokiso, maele, lipina le mangolo.—Sheba lebokose le reng “ Lethathamo la Libuka Tsa Bibele.”

 Bibele e qala pele ka ho hlalosa kamoo Molimo ea Matla ’Ohle a bopileng maholimo le lefatše. O boetse o sebelisa Bibele ho re tsebisa lebitso la hae e leng Jehova, e le hore batho ba mo tsebe.—Pesaleme ea 83:18.

 ibele e hlalosa hore Molimo o ile a senngoa lebitso ’me e hlalosa kamoo a tla ikhalaletsa kateng.

 Bibele e bua ka morero oa Molimo ka batho le ka lefatše ’me e bontša kamoo Molimo a tla felisa lintho tsohle tse bakelang batho mathata nakong e tlang.

 Bibele e fana ka likeletso tseo re ka li sebelisang letsatsi le letsatsi. E meng ea mehlala ea likeletso tseo ke ena:

•   Ho sebelisana hantle le batho ba bang. “Lintho tsohle tseo le batlang hore batho ba le etse tsona, le lona le ba etse tsona.”—Matheu 7:12.

   See se bolela’ng? Re lokela ho tšoara batho ba bang ka tsela eo re batlang hore le bona ba re tšoare ka eona.

•   Ho sebetsana le stress. “Le ka mohla le se ke la tšoenyeha ka letsatsi le hlahlamang hobane letsatsi le hlahlamang le tla ba le matšoenyeho a lona.”—Matheu 6:34.

   See se bolela’ng? Ho e-na le ho tšoenyeha haholo ka hore na ho tla etsahala’ng ka moso, re lokela ho sebetsana le mathata ao re tobanang le ’ona letsatsi ka leng.

•   Ho ba le lenyalo le thabileng. “E mong le e mong oa lona o lokela ho rata mosali oa hae joalokaha a ithata. Mosali le eena o lokela ho hlompha monna oa hae haholo.”—Baefese 5:33.

   See se bolela’ng? Lerato le tlhompho li bohlokoa e le hore lenyalo le atlehe.

 Che. Litsebi li ile tsa bapisa likaroloana tsa Bibele ea boholo-holo le ea hona joale ’me tsa fumana hore molaetsa oa Bibele o ngotsoeng ho tloha qalong ha oa fetoha. Ena ke taba e utloahalang hobane Molimo o batla hore batho ba bale ba be ba utloisise molaetsa oa hae, ke kahoo a entseng hore molaetsa oa hae o se ke oa fetoha. d—Esaia 40:8.

 Batho ba bangata mehleng ena ha ba utloisise lipuo tseo Bibele e neng e ngotsoe ka tsona qalong. Leha ho le joalo, Bibele e na le “litaba tse monate” bakeng sa “lichaba tsohle, maloko ’ohle le lipuo tsohle.” (Tšenolo 14:6) Ka lebaka leo, batho ba hloka phetolelo ea Bibele ka puo eo ba e utloisisang le eo ba khonang ho e bala hantle e le hore ba utloisise molaetsa oa Molimo.

 Liphetolelo tsa Bibele li mefuta ena e meraro:

•   Phetolelo ea lentsoe ka lentsoe e fetolela mantsoe ho ea ka tatellano ea ’ona.

•   Phetolelo e fetisang moelelo e sebelisa mantsoe a hlalosang molaetsa oa puo ea qalong.

•   Phetolelo e nolofatsang lipolelo e etsa hore litaba tse ngotsoeng li balehe habonolo. Leha ho le joalo, lipolelo ha lia lokela ho nolofatsoa haholo hoo li ka fetolang moelelo, hobane ho etsa joalo ho ka lahla molaetsa o neng o fetisoa qalong ha ho ne ho ngoloa Bibele.

 Bibele e fetoletsoeng ka tsela e nepahetseng e fetisetsa molaetsa oa Molimo ho batho ka tsela eo o neng o le ka eona qalong, hobane e leka-lekanya tšebeliso ea lentsoe ka lentsoe, hape e sebelisa puo e bonolo eo batho ba e tloaetseng. e

 Joaloka Mongoli oa eona, Molimo ke eena ea etsang qeto hore na ke eng se lokelang ho ba teng ka Bibeleng. O ile a qala pele ka ho khetha sechaba sa boholo-holo sa Iseraele ’me sa “fuoa melaetsa e halalelang ea Molimo” hobane Mangolo a Seheberu a ne a ngoletsoe sona.—Baroma 3:2.

 Che. Bibele e felletse, ’me ha ho na likarolo tsa eona “tse lahlehileng.” Batho ba bang ba re libuka tse ling tsa khale tse neng li patiloe ka nako e telele li tlameha ho kenyelletsoa ka Bibeleng. f Leha ho le joalo, molaetsa oa Bibele kaofela o nepahetse ’me re ka o tšepa. (2 Timothea 1:13) Kahoo, libuka tsa Bibele li tsoa ho Molimo ’me kaofela ha tsona lia lumellana. Ha se seo re ka se buang ka libuka tsa khale tseo batho ba bang ba reng li tlameha ho kenyelletsoa ka Bibeleng. g