Jesu e ne e se motho feela ea molemo. O ipakile e le monna ea nang le tšusumetso haholo historing ea batho. Hlokomela seo bo-rahistori ba hlaheletseng le bangoli ba se buileng ka eena:

 “Ha ho pelaelo hore Jesu oa Nazaretha . . . ke motho ea hlaheletseng ka ho fetisisa historing.”—Rahistori oa Lenyesemane, H. G. Wells.

 “Historing eohle, ha ho motho eo bophelo ba hae bo kileng ba susumetsa batho ba bangata hakana joaloka [ba Jesu], esita le hona joale bo ntse bo susumetsa ba bangata.”—Kenneth Scott Latourette, Rahistori le mongoli oa Moamerika.

 Bibele ea hlalosa hore na ke hobane’ng ha Jesu a ne a khona ho susumetsa batho hakana ho feta monna leha e le ofe ea lokileng ea kileng a phela. Ha Jesu a ne a botsa balateli ba hae ba haufi hore na ba nahana hore ke mang, ka nepo e mong oa bona o ile a re: “U Kreste, Mora oa Molimo ea phelang.”—Matheu 16:16.