2 Yahya 1:1-13
1 Kahatur Nyai* nu geus dipilih ku Allah jeung anak-anak Nyai, nu bener-bener dipikanyaah ku kuring, priya nu geus kolot.* Nu nyaah téh lain kuring hungkul, tapi ogé sakabéh nu geus nyaho bebeneran,
2 lantaran bebeneran aya dina haté urang jeung bakal aya di dinya salilana.
3 Urang bakal narima kahadéan,* welas asih, jeung katengtreman ti Allah, Bapa urang, sarta ti Isa Al-Masih, Putra-Na. Urang gé bakal narima bebeneran jeung kanyaah.
4 Kuring téh bungah pisan, sabab sababaraha anak anjeun aya di jalan nu bener, sakumaha nu diparéntahkeun ku Bapa ka urang.
5 Jadi Nyai, ayeuna kuring ménta supaya urang silih pikanyaah. Nu ditulis ku kuring téh lain paréntah anyar, tapi paréntah nu geus ditarima ku urang ti mimiti kénéh.
6 Mikanyaah téh hartina terus nurut kana paréntah-paréntah-Na. Sakumaha nu geus didéngé ku aranjeun ti mimiti, paréntah-Na téh nyaéta: Terus témbongkeun kanyaah.
7 Aya loba tukang tipu di dunya nu teu ngakukeun Isa Al-Masih téh datang jadi manusa. Maranéhna téh tukang tipu jeung musuh Al-Masih.*
8 Sing ati-ati, ulah nepi kaleungitan naon nu geus dihasilkeun ku upaya urang-urang, ngarah anjeun meunang ganjaran nu sapinuhna.
9 Jalma nu teu nuturkeun pangajaran Al-Masih jeung ngajarkeun hal séjén, teu dipikaresep ku Allah. Tapi, jalma nu terus nuturkeun pangajaran Al-Masih dipikaresep ku Bapa jeung Putra.
10 Lamun aya jalma datang mawa pangajaran nu béda, tong ditarima di imah anjeun jeung ulah ngucap salam ka manéhna,
11 sabab jalma nu ngucap salam ka manéhna sarua jeung ngadukung kajahatanana.
12 Loba kénéh picaritaeun téh, tapi kuring embung nyaritakeunana liwat kertas jeung tinta. Hayangna mah kuring panggih sarta ngomong langsung jeung anjeun supaya anjeun bener-bener bungah.
13 Anak-anak ti lanceuk awéwé anjeun nu dipilih ku Allah ngirim salam ka anjeun.
Catetan Tambihan
^ As. ”wanita”, bisa ogé ngamaksudkeun sidang jamaah.
^ Atawa ”saurang kokolot”.
^ Atawa ”welas asih nu taya bandingna”. Tingali Daptar Istilah.
^ Atawa ”antikristus”.
