Babad nu Kahiji 23:1-32
23 Waktu Daud geus kolot jeung téréh maot, Sulaéman anakna dijadikeun raja Israél ku manéhna.
2 Daud ngumpulkeun sakabéh pajabat Israél, para imam, jeung urang Léwi.
3 Urang Léwi nu umurna 30 taun ka luhur diitung hiji-hiji, jumlahna téh aya 38.000 urang.
4 Ti antara maranéhna, 24.000 urang ngawaskeun pagawéan di bumina Yéhuwa, 6.000 urang jadi pamingpin jeung hakim,
5 4.000 urang jadi tukang jaga gerbang, sarta 4.000 urang muji Yéhuwa maké alat-alat musik. Ngeunaan alat-alat musik éta, Daud pernah ngomong, ”Kuring nyieun ieu kabéh téh keur muji Allah.”
6 Geus kitu, ku Daud maranéhna dibagi jadi kelompok-kelompok nurutkeun anak-anak Léwi nu lalaki, nyaéta Gérsyon, Kohat, jeung Mérari.
7 Anak-anak Gérsyon nu lalaki téh nyaéta Ladan jeung Syiméi.
8 Turunan Ladan téh nyaéta Yéhiél nu jadi pamingpinna, Zétam, jeung Yoél, kabéhanana téh aya tilu.
9 Anak-anak Syiméi* nu lalaki téh aya tilu, nyaéta Syélomot, Haziél, jeung Haran. Maranéhna kabéh téh pamingpin kulawarga pihak bapa ti Ladan.
10 Anak-anak Syiméi* nu lalaki téh nyaéta Yahat, Zina,* Yéus, jeung Béria. Opatanana téh anak-anak Syiméi.
11 Yahat téh pamingpinna, sarta Zizah nu kadua. Tapi, lantaran Yéus jeung Béria teu boga loba anak lalaki, maranéhna diitung jadi hiji kulawarga pihak bapa jeung ngajalankeun hiji tugas.
12 Anak-anak Kohat nu lalaki téh aya opat, nyaéta Amram, Izhar, Hébron, jeung Uziél.
13 Anak-anak Amram nu lalaki téh nyaéta Harun jeung Musa. Keur saterusna, Harun jeung anak-anakna nu lalaki dipisahkeun pikeun ngalalayanan di Rohangan Mahasuci, ngurban hareupeun Yéhuwa, ngalalayanan Allah, sarta ngaberkahan jalma-jalma ku nami Anjeunna.
14 Turunan Musa hamba Allah nu sajati digolongkeun ka kaom Léwi.
15 Anak-anak Musa nu lalaki téh nyaéta Gérsyom jeung Éliézér.
16 Ti turunan Gérsyom, Syébuél téh pamingpinna.
17 Ari ti turunan Éliézér mah Réhabia nu jadi pamingpinna, sabab Éliézér ngan boga hiji anak lalaki, tapi turunan Réhabia mah aya loba pisan.
18 Ti turunan Izhar, Syélomit téh pamingpinna.
19 Anak-anak Hébron nu lalaki téh nyaéta Yéria nu jadi pamingpinna, Amaria nu kadua, Yahaziél nu katilu, jeung Yékaméam nu kaopat.
20 Anak-anak Uziél nu lalaki téh nyaéta Mikha nu jadi pamingpinna jeung Issyia nu kadua.
21 Anak-anak Mérari nu lalaki téh nyaéta Mahli jeung Musyi. Anak-anak Mahli nu lalaki téh nyaéta Éléazar jeung Kis.
22 Éléazar maot, tapi manéhna teu boga anak lalaki, ngan anak-anak awéwé. Jadi, anak-anak awéwé éta dikawin ku anak-anak lalaki Kis, dulur misan maranéhna.
23 Anak-anak Musyi nu lalaki téh aya tilu, nyaéta Mahli, Édér, jeung Yérémot.
24 Maranéhna kabéh téh turunan Léwi nu diitung jeung didaptarkeun ngaranna nurutkeun kulawarga pihak bapana. Maranéhna téh pamingpinna jeung boga tugas pikeun ngalalayanan di bumina Yéhuwa. Jalma-jalma nu didaptarkeun téh umurna 20 taun ka luhur.
25 Daud geus ngomong kieu, ”Yéhuwa Allah Israél geus ngabébaskeun umat-Na ti sakabéh musuh, sarta Anjeunna bakal matuh salilana di Yérusalém.
26 Urang Léwi gé teu kudu ngagogotong deui tabernakel atawa paparabotan paranti ibadah.”
27 Nurutkeun pituduh Daud nu panganyarna, urang Léwi nu kudu diitung téh nu umurna 20 taun ka luhur.
28 Tugas maranéhna téh nyaéta mantuan turunan Harun nu ngalalayanan di bumina Yéhuwa. Maranéhna téh ngurus buruan-buruan jeung rohangan-rohangan tempat dahar, nyucikeun naon waé nu suci, sarta migawé naon waé nu diperlukeun pikeun ibadah di bumina Allah nu sajati.
29 Maranéhna mantuan nyiapkeun roti nu dibaktikeun,* tipung lemes keur kurban kadaharan, roti ipis nu teu diragian, kuéh nu dipanggang dina katél cépér, jeung adonan nu dicampur ku minyak. Maranéhna gé mantuan ngurus sagala hal nu kudu ditimbang jeung diukur.
30 Saban isuk jeung saban peuting, maranéhna bakal ngucap sukur jeung muji Yéhuwa.
31 Maranéhna mantuan waktu kurban beuleuman dibaktikeun ka Yéhuwa dina poé sabat, dina bulan anyar, jeung salila usum* perayaan, sakumaha nu ditulis dina hukum. Éta téh rutin dilampahkeun ku maranéhna hareupeun Yéhuwa.
32 Salian ti éta, maranéhna kudu ngurus jeung ngajaga kémah tepangan sarta tempat suci. Maranéhna gé kudu mantuan dulur-dulurna, nyaéta turunan Harun, nu ngajalankeun tugas di bumina Yéhuwa.
Catetan Tambihan
^ Katingalina ieu téh lain Syiméi nu di ayat 7.
^ Katingalina ieu téh Syiméi nu di ayat 7.
^ Di ayat 11, ”Zizah”.
^ Atawa ”roti susun”.
^ Atawa ”usim”.
