Babad nu Kahiji 7:1-40
7 Anak Isakhar nu lalaki téh aya opat, nyaéta Tola, Pua, Yasyub, jeung Syimron.
2 Anak-anak Tola nu lalaki nyaéta Uzi, Réfaya, Yériél, Yahmai, Ibsam, jeung Syémuél. Kabéhanana téh para pamingpin kulawarga pihak bapa maranéhna. Ti turunan Tola, aya prajurit-prajurit nu perkasa. Dina jaman Daud, jumlah maranéhna téh aya 22.600 urang.
3 Turunan Uzi* nyaéta Izrahia. Anak-anak Izrahia nu lalaki nyaéta Mikhaél, Obaja, Yoél, jeung Issyia. Limaanana téh pamingpin.
4 Maranéhna jeung turunan maranéhna téh boga loba pamajikan jeung anak-anak lalaki. Jadi ti kulawarga pihak bapa maranéhna, aya 36.000 prajurit nu siap perang.
5 Dulur-dulur maranéhna ti sakabéh kulawarga Isakhar téh jaradi prajurit nu perkasa. Dina silsilah, jumlah maranéhna téh aya 87.000 urang.
6 Anak Bényamin nu lalaki téh aya tilu, nyaéta Béla, Békhér, jeung Yédiaél.
7 Anak Béla nu lalaki téh aya lima, nyaéta Ézbon, Uzi, Uziél, Yérimot, jeung Iri. Maranéhna téh para pamingpin kulawarga pihak bapa sarta prajurit-prajurit nu perkasa. Nurutkeun silsilah, jumlah maranéhna téh aya 22.034 urang.
8 Anak-anak Békhér nu lalaki nyaéta Zémira, Yoas, Éliézér, Élioénai, Omri, Yérémot, Abiya, Anatot, jeung Alémét. Maranéhna kabéh téh anak-anak Békhér nu lalaki.
9 Nurutkeun silsilah para pamingpin kulawarga pihak bapa maranéhna, aya 20.200 prajurit nu perkasa ti turunan maranéhna.
10 Turunan Yédiaél nyaéta Bilhan. Anak-anak Bilhan nu lalaki nyaéta Yéus, Bényamin, Éhud, Khénaana, Zétan, Tarsyis, jeung Ahisyahar.
11 Nurutkeun silsilah para pamingpin kulawarga pihak bapa maranéhna, di antara turunan Yédiaél téh aya 17.200 prajurit perkasa nu siap perang.
12 Urang Syupim jeung Hupim téh turunan Ir. Urang Husyim téh turunan Ahér.
13 Anak-anak Naftali nu lalaki nyaéta Yahziél, Guni, Yézér, jeung Syalum. Maranéhna kabéh téh turunan Bilha.
14 Turunan Manasyé* nyaéta Asriél, anu dilahirkeun ku selirna, awéwé Siria. (Éta awéwé ngalahirkeun Makhir bapana Giléad.
15 Makhir néangan pipamajikaneun keur Hupim jeung keur Syupim. Adi awéwé maranéhna téh Maaka.) Nu kadua ngaranna Zéloféhad, tapi Zéloféhad mah ngan boga anak-anak awéwé.
16 Maaka pamajikanana Makhir téh ngalahirkeun anak lalaki nu dingaranan Pérés. Adina téh ngaranna Syérés. Anak-anakna nu lalaki nyaéta Ulam jeung Rékém.
17 Anak* Ulam nu lalaki nyaéta Bédan. Maranéhna kabéh téh turunan Giléad anak Makhir incu Manasyé.
18 Dulur awéwéna Giléad téh ngaranna Hamolékhét. Manéhna ngalahirkeun Ishod, Abi-ézér, jeung Mahla.
19 Anak-anak Syémida nu lalaki nyaéta Ahian, Syikhém, Likhi, jeung Aniam.
20 Anak Éfraim nu lalaki téh Syutéla, anak Syutéla nu lalaki téh Béréd, anak Béréd nu lalaki téh Tahat, anak Tahat nu lalaki téh Éléada, anak Éléada nu lalaki téh Tahat,
21 anak Tahat nu lalaki téh Zabad, anak Zabad nu lalaki téh Syutéla. Anak-anak lalaki Éfraim nu séjén nyaéta Ézér jeung Éléad. Maranéhna dipaéhan ku urang Gat nu lahir di éta tanah, sabab maranéhna datang rék ngarebut ingon-ingonna urang Gat.
22 Jadi, Éfraim bapana nyeungceurikan maranéhna mangpoé-poé. Dulur-dulurna daratang pikeun ngupahan manéhna.
23 Geus kitu, manéhna ngalakukeun hubungan séks jeung pamajikanana. Tuluy, pamajikanana ngandung jeung ngalahirkeun hiji anak lalaki. Tapi, éta budak ku Éfraim dingaranan Béria* lantaran dijurukeun ku pamajikanana waktu kulawargana meunang musibat.
24 Anak awéwéna téh Syééra, nu ngabangun Bét-horon Handap, Bét-horon Luhur, jeung Uzén-syééra.
25 Anak-anak lalakina* nu séjén nyaéta Réfah jeung Résyéf. Anak Résyéf nu lalaki téh Télah, anak Télah nu lalaki téh Tahan,
26 anak Tahan nu lalaki téh Ladan, anak Ladan nu lalaki téh Amihud, anak Amihud nu lalaki téh Élisyama,
27 anak Élisyama nu lalaki téh Nun, anak Nun nu lalaki téh Yosua.*
28 Wilayah jeung pamatuhan maranéhna téh nyaéta Bétel jeung kota-kota sakurilingna, Naaran di beulah wétan, Gézér di beulah kulon jeung kota-kota sakurilingna, Syikhém jeung kota-kota sakurilingna, terus ka Aya* jeung kota-kota sakurilingna.
29 Maranéhna gé matuh di gigireun turunan Manasyé, nyaéta di Bét-syéan jeung kota-kota sakurilingna, Taanakh jeung kota-kota sakurilingna, Mégido jeung kota-kota sakurilingna, sarta Dor jeung kota-kota sakurilingna. Nya di dinya turunan Yusuf anak Israél maratuh.
30 Anak-anak Asyér nu lalaki nyaéta Imnah, Iswa, Iswi, jeung Béria, ari anak awéwéna nyaéta Sérah.
31 Anak-anak Béria nu lalaki nyaéta Hébér jeung Malkhiél. Malkhiél téh bapana Birzait.
32 Hébér téh bapana Yaflét, Syomér, jeung Hotam. Dulur awéwé maranéhna téh Syua.
33 Anak-anak Yaflét nu lalaki nyaéta Pasakh, Bimhal, jeung Aswat. Maranéhna kabéh téh anak-anak Yaflét nu lalaki.
34 Anak-anak Syémér* nu lalaki nyaéta Ahi, Rohga, Yéhuba, jeung Aram.
35 Hélém* adi lalakina Syémér téh boga anak-anak lalaki, nyaéta Zofah, Imna, Syélés, jeung Amal.
36 Anak-anak Zofah nu lalaki nyaéta Suah, Harnéfér, Syual, Béri, Imra,
37 Bézér, Hod, Syamma, Syilsya, Itran, jeung Bééra.
38 Anak-anak Yétér nu lalaki nyaéta Yéfuné, Pispa, jeung Ara.
39 Anak-anak Ula nu lalaki nyaéta Arah, Haniél, jeung Rizia.
40 Maranéhna kabéh téh turunan Asyér. Maranéhna téh para pamingpin kulawarga pihak bapa, prajurit perkasa nu dipilih, jeung kapala para pamingpin. Dina silsilah, jumlah maranéhna téh aya 26.000 prajurit nu siap perang.
Catetan Tambihan
^ As. ”Anak-anak Uzi nu lalaki”.
^ As. ”Anak-anak Manasyé nu lalaki”.
^ As. ”Anak-anak”.
^ Hartina ”Ku Musibat”.
^ Bisa jadi Réfah jeung Résyéf téh anak-anak Béria nu lalaki.
^ Atawa ”Yéhosyua”, hartina ”Yéhuwa nu Méré Kasalametan”.
^ Atawa bisa jadi ”Gaza”, tapi lain Gaza di Filistia.
^ Disebut ogé Syomér dina ay. 32.
^ Katingalina sarua jeung ”Hotam” dina ay. 32.
