Yérémia 45:1-5
-
Firman Yéhuwa ka Barukh (1-5)
45 Dina taun kaopat pamaréntahan Yéhoyakim anak Yosia, raja Yéhuda, basa Barukh anak Néria nuliskeun kekecapan nu didiktékeun ku Yérémia, Nabi Yérémia ngomong kieu ka Barukh,
2 ”Hé Barukh, ieu nu diucapkeun ku Yéhuwa Allah Israél ngeunaan manéh,
3 ’Ceuk manéh, ”Cilaka, urang keur susah téh kalah ka ditambahan kasusah deui ku Yéhuwa! Urang geus capé kukulutus waé, teu bisa ngarasa tenang.”’
4 ”Béjakeun kieu ka manéhna, ’Ieu nu diucapkeun ku Yéhuwa, ”Nu geus diwangun ku Kuring rék diruntuhkeun. Nu geus dipelak ku Kuring rék dirabut. Éta nu bakal dilampahkeun ku Kuring di sakuliah nagri.
5 Tapi, manéh kalah ka néangan* hal-hal nu nguntungkeun diri sorangan. Ulah néangan nu jiga kitu deui.”’
”’Sabab Kuring rék nibankeun musibat ka sakabéh jalma. Sanajan kitu, ka mana waé manéh indit, Kuring bakal nyalametkeun manéh,’ ceuk Yéhuwa.”
Catetan Tambihan
^ Atawa ”ngarepkeun”.
