Yérémia 47:1-7
-
Ramalan ngeunaan urang Filistin (1-7)
47 Yéhuwa nepikeun firman-Na ka Nabi Yérémia ngeunaan urang Filistin saacan Firaun ngéléhkeun Gaza.
2 Ieu nu diucapkeun ku Yéhuwa,
”Tuh, tempo cai ngocor ti kalér,
Caina ngagulidag.
Sakuliah nagri jeung eusina nepi ka kacaahan,Kaasup kota jeung pendudukna.
Jalma-jalma bakal tingkocéak,Kabéh nu matuh di éta nagri bakal ceurik tingjarerit.
3 Kadéngé sora kuda tingberetek,Sora karéta perang tinggurudug,Jeung sora roda-roda nu ngaguruh.Malah, bapa-bapa gé ngabecir ninggalkeun anaknaBakating ku sieun-sieunna.
4 Bakal datang poéna sakabéh urang Filistin dibasmi,Ku kituna Tirus jeung Sidon moal boga panulung deui,
Sabab Yéhuwa bakal ngabasmi urang Filistin nu harirup kénéh,Nu asalna ti Pulo Kaftor.*
5 Gaza bakal jadi gundul,*
Askélon bakal jadi jempling.
Hé maranéh nu harirup kénéh di lebak,Nepi ka iraha rék nurihan manéh?
6 Éh pedang Yéhuwa,
Iraha rék eureun téh?
Sok asup kana sarangka.
Geura cicing, genah-genah di dinya.
7 Rék eureun kumahaMun Yéhuwa geus méré paréntah?
Éta pedang geus diparéntah pikeun nyerang AskélonJeung wilayah basisir.”
Catetan Tambihan
^ Maksudna, Kréta.
^ Maksudna, maranéhna bakal ngagundulan sirah ku lantaran sedih jeung éra.
