Ayub 12:1-25
12 Tuluy Ayub ngajawab kieu,
2 ”Maranéh mémang nyaho sagalana.Mun maranéh maot, moal aya deui jalma bijaksana!
3 Tapi da urang gé boga pangarti atuh,
Teu éléh ku maranéh.
Saha nu teu ngarti kana omongan maranéh?
4 Urang diseungseurikeun ku babaturan sorangan,Pédah urang sasambat ka Allah sarta ngarepkeun jawaban ti Anjeunna.
Jalma nu bener sarta nu hirupna taya cacadna mémang sok diseungseurikeun.
5 Jalma nu hirupna tenang nyeungseurikeun jalma nu keur keuna musibat.Ceuk pamikirna mah musibat téh ngan kaalaman ku jalma nu boga masalah hungkul.
6 Kémah-kémah rampog aman.Jalma-jalma nu ngalawan ka Allah hirupna tengtrem,Kawas jalma-jalma nu nyepeng berhala.
7 Tapi cik tanya sasatoan, maranéhna bakal ngajar manéh.Tanya manuk-manuk di langit, maranéhna bakal méré nyaho manéh.
8 Sok perhatikeun* bumi, manéhna bakal ngajar manéh.Perhatikeun ogé lauk-lauk di laut, maranéhna bakal ngajelaskeun ka manéh.
9 Kabéh gé nyarahoeunYén maranéhna téh diciptakeun ku panangan Yéhuwa.
10 Kahirupan sakabéh mahluk hirup sarta napas* sakabéh manusaAya dina panangan Anjeunna.
11 Kapan ceuli téh pikeun nguji kekecapanKawas létah pikeun ngasaan kadaharan.
12 Jalma nu geus kolot téh bijaksana, pan?Jalma nu geus lila hirupna téh boga pangarti, pan?
13 Allah téh bijaksana jeung kuat.Anjeunna boga pangarti sarta bakal ngalaksanakeun kahoyong-Na.
14 Nu geus diruntuhkeun ku Anjeunna, moal bisa dibangun deui.Nu geus ditutup ku Anjeunna, moal bisa dibuka ku sasaha.
15 Lamun Anjeunna nahan hujan, bumi bakal garing.Lamun Anjeunna nurunkeun hujan, bumi bakal caah.
16 Anjeunna kuat jeung bijaksana.Jalma nu nyasab sarta nu nyasabkeun batur, duanana aya dina kakawasaan Anjeunna.
17 Ku Anjeunna para panaséhat disina nyékér,*Sarta para hakim disina barodo.
18 Kakawasaan para raja dicabut ku Anjeunna.Maranéhna dibajuan ku baju budak beulian.
19 Ku Anjeunna para imam disina nyékér,Sarta para pangawasa nu kuat digulingkeun.
20 Anjeunna ngabekem para panaséhat nu dipercaya.Jalma nu geus kolot jadi teu bisa nyieun putusan nu bener.
21 Anjeunna ngarendahkeun para bangsawanSarta ngalemahkeun jalma nu kuat.
22 Anjeunna ngabolékérkeun rasiah nu aya di nu poék.Anjeunna nyaangan nu poék mongkléng.
23 Bangsa-bangsa disina digjaya supaya bisa dibinasakeun ku Anjeunna.Bangsa-bangsa disina ngalobaan supaya bisa dibawa ka pangbuangan.
24 Ku Anjeunna para pamingpin disina barodo.Maranéhna disina apruk-aprukan di gurun keusik.
25 Maranéhna rarampa di nu poék, di tempat nu euweuh cahayana.Maranéhna disina utag-atog kawas nu mabok.
Catetan Tambihan
^ Atawa bisa jadi ”ngomong ka”.
^ As. ”roh”. Tingali Daptar Istilah.
^ Atawa ”Ku Anjeunna pangaboga para panaséhat dirampas”.
