Ayub 18:1-21
18 Bildad urang Syuah ngajawab,
2 ”Rék nepi ka iraha manéh ngomong siga kitu terus?
Sok pikir heula, engké kakara urang ngobrol deui.
3 Ku naon urang kabéh dianggap kawas sato,Dianggap bodo* ku manéh?
4 Sanajan manéh ngaraheutan awak bakating ku ambek,Mémangna bumi bakal diculkeun,Atawa gunung batu bakal pindah ti tempatna demi manéh?
5 Cahaya jalma jahat bakal dipareuman,Seuneuna moal hurung deui.
6 Di kémahna moal bakal aya cahaya.Lampu di luhureun manéhna bakal dipareuman.
7 Tadina léngkahna teteg, tapi ayeuna teu boga tanaga keur ngaléngkah.Bluk baé manéhna labuh ku rencanana sorangan.
8 Manéhna leumpang nyampeurkeun jiret,Seug sukuna kasarimped.
9 Keuneungna* bakal kajiret,Manéhna bakal kajebak.
10 Dina taneuh, aya tali nu disimpen meni buni pikeun ngajiret manéhna.Éta jiret diteundeun di jalan nu diliwatan ku manéhna.
11 Manéhna sieun ku hal-hal di sakurilingna.Éta kabéh ngudag-ngudag manéhna.
12 Kakuatanana leungit,Manéhna ngoléang* lantaran keuna musibat.
13 Kulitna digarogotan ku panyakit,Awakna béak ku panyakit nu parah.
14 Manéhna diséréd ti kémahna nu amanTuluy digiring ka ajal nu pikasieuneun.
15 Kémahna dicicingan ku jalma nu teu dikenal.Imahna diawuran ku walirang.
16 Mun manéhna tangkal mah akarna paéh,Dahanna gararing.
17 Jalma-jalma di bumi moal aya nu inget ka manéhna.Di jalan moal aya nu nyaho ngaranna.
18 Manéhna bakal disuntrungkeun ti nu caang ka nu poékSarta diusir ti ieu dunya.
19 Manéhna moal bakal boga anak incu jeung turunan di antara bangsana,Moal aya nu bakal salamet di tempat manéhna matuh.
20 Waktu manéhna katarajang musibat, jalma-jalma di Kulon bakal rareuwas,Jalma-jalma di Wétan bakal sarieuneun pisan.
21 Éta nu bakal kaalaman ku rumah tanggana jalma jahatSarta ku jalma nu teu kenal ka Allah.”
