Ayub 28:1-28
28 ”Aya tempat keur ngagali pérakSarta tempat keur ngagali emas nu bakal dimurnikeun.
2 Beusi dialana tina taneuh,Ari tambaga mah dialana tina babatuan.
3 Manusa nalukkeun poék.Manéhna asup ka tempat nu poék ngajumblengPikeun néangan logam nu mahal hargana.
4 Manéhna ngagali guha nu jauh ti pamatuhan jalma-jalma,Nyaéta tempat nu geus dipopohokeun, jauh ti tempat leumpangna jalma-jalma.Sababaraha jalma turun tuluy guwang-gawing dina tali tambang.
5 Di luhureun taneuh, bijil pepelakan nu jadi dahareun.Tapi di handapeunana, taneuh kawas diburak-barik ku seuneu.*
6 Di dinya aya batu sapir.Kekebulna gé aya emasna.
7 Heulang teu nyaho jalan ka dinya.Panon heulang hideung gé teu pernah nénjo éta tempat.
8 Sato galak teu pernah nincak ka dinya.Singa ngora teu pernah kukulayaban di dinya.
9 Jalma ngancurkeun batu nu teuas.Dasar-dasar gunung digali, gunungna dijungkir-jungkirkeun.
10 Manéhna nyieun aliran-aliran cai di gunung batu,Bréh katingali batu-batu anu marulya.
11 Di girang walungan manéhna ngabendung cai,Seug naon-naon anu buni diangkat ka tempat nu caang.
12 Tapi ari kabijaksanaan, di mana néanganana?Di mana sumber pangarti téh?
13 Euweuh nu nyaho nilaina kabijaksanaan.Éta moal kapanggih di mana-mana, malahan di sakuliah bumi.
14 Ceuk laut nu jero, ’Lain di urang!’
Ceuk laut, ’Euweuh di urang gé!’
15 Éta moal bisa dibeuli ku emas murniAtawa ditukeuran ku pérak rék sakumaha beuratna gé.
16 Éta moal bisa dibeuli ku emas OfirAtawa ku batu oniks nu langka jeung batu sapir.
17 Emas jeung kaca teu sabanding jeung éta.Éta teu bisa ditukeuran ku wadah tina emas murni.
18 Koral jeung kristal teu sabanding jeung éta,Lantaran sakantong kabijaksanaan leuwih gedé nilaina tibatan sakantong mutiara.
19 Batu topas ti Kus teu bisa nandingan éta.Éta moal bisa dibeuli sanajan ku emas murni.
20 Tapi ti mana asalna kabijaksanaan?Di mana sumber pangarti téh?
21 Éta disumputkeun ti panon sakabéh mahluk hirupSarta teu katénjo ku manuk-manuk nu hiber di langit.
22 Kabinasaan jeung pati ngomong,’Urang ngan ukur ngadéngé béjana.’
23 Ngan Allah nu apal ka mana néanganana.Ngan Anjeunna nu apal éta téh aya di mana.
24 Sabab Anjeunna ningali nepi ka tungtung-tungtung bumiSarta ningali kabéh nu aya di kolong langit.
25 Waktu Anjeunna méré tanaga ka anginSarta naker lobana cai,
26 Waktu Anjeunna netepkeun aturan keur hujanSarta nangtukeun pijalaneun keur angin topan jeung kilat,
27 Tah harita kénéh Anjeunna ningali kabijaksanaan jeung nyaritakeunana.Seug kabijaksanaan téh ditetepkeun jeung diuji.
28 Tuluy Anjeunna ngomong ka manusa,
’Mun hayang boga kabijaksanaan, kudu hormat* ka Yéhuwa.Mun hayang boga pangarti, kudu ngajauhan nu jahat.’”
