Ayub 34:1-37
34 Jadi Élihu neruskeun omonganana,
2 ”Aranjeun nu bijaksana, dangukeun kekecapan abdi.Aranjeun nu loba kanyaho, dangukeun abdi.
3 Sabab ceuli téh pikeun nguji kekecapanKawas létah pikeun ngasaan kadaharan.
4 Hayu urang timbang-timbang mana nu bener.Hayu urang putuskeun mana nu hadé.
5 Sabab ceuk Ayub, ’Urang téh bener,Tapi urang teu dibéré kaadilan ku Allah.
6 Urang téh kudu ngabohong jeung ngomong yén urang mémang pantes dihukum, kitu?
Kasangsaraan urang teu leungit-leungit najan urang teu boga dosa.’
7 Saha jalma nu jiga Ayub,Nu narima panghina kawas ngaleguk cai?
8 Manéhna babaturan jeung jalma-jalma nu teu benerSarta gaul jeung jalma-jalma jahat.
9 Ceuk manéhna, ’Taya gunanaJalma usaha pikeun nyenangkeun Allah.’
10 Jadi jalma-jalma nu boga pangarti, dangukeun abdi.
Moal mungkin Allah nu bener ngalampahkeun nu jahat.Moal mungkin Nu Mahakawasa ngalampahkeun nu salah.
11 Sabab Anjeunna bakal ngaganjar hiji jalma satimpal jeung lampahnaSarta ngabales manéhna satimpal jeung kalakuanana.
12 Da Allah pasti moal ngalampahkeun nu jahat.Nu Mahakawasa moal nyimpang tina kaadilan.
13 Saha nu nugaskeun Anjeunna pikeun ngajaga bumi?Saha nu ngalantik Anjeunna pikeun ngawasaan sakuliah dunya?
14 Lamun Anjeunna ngamusuh ka manusa,Lamun Anjeunna ngarebut nyawa jeung napas maranéhna,
15 Kabéh manusa bakal musnaSarta marulang jadi kekebul.
16 Jadi mun anjeun boga pangarti, perhatikeun.Bandungan ucapan abdi.
17 Pantes kitu jalma nu ijid kana kaadilan maréntah?Atawa pantes kitu anjeun nyalahkeun pangawasa nu adil?
18 Mémangna ka raja anjeun bakal ngomong, ’Anjeun téh teu guna,’
Atawa ka bangsawan, ’Anjeun téh jahat’?
19 Allah moal mihak ka para pamingpin,Moal leuwih mentingkeun nu beunghar tibatan nu miskin,*Da kabéhanana téh karya panangan-Na.
20 Tengah peuting, maranéhna bisa ujug-ujug maot.Maranéhna ngadégdég tuluy paéh,Malah para pamingpin gé dirabut, tapi lain ku leungeun manusa.
21 Allah ngawas-ngawas kalakuan manusa.Unggal léngkahna diperhatikeun ku Anjeunna.
22 Jalma jahat moal bisa nyumput najan dina kalangkang*Atawa di nu poék mongkléng gé.
23 Allah teu netepkeun waktu keur manusaPikeun ngadep ka Anjeunna sarta diadilan.
24 Anjeunna teu perlu papariksa heula pikeun ngancurkeun para pamingpinSarta ngalantik gagantina.
25 Sabab Anjeunna apal laku lampah maranéhna.Peuting-peuting maranéhna digulingkeun ku Anjeunna, tuluy maranéhna diancurkeun.
26 Anjeunna neunggeul maranéhna di hareupeun jalma réa,Lantaran lampah maranéhna jahat,
27 Lantaran maranéhna teu nuturkeun deui AnjeunnaSarta teu paduli kana jalan-jalan-Na.
28 Gara-gara maranéhna, nu miskin ngajerit ka Anjeunna.Jumeritna jalma nu teu walakaya éta didangu ku Anjeunna.
29 Mun Allah cicing waé, saha nu bisa nyalahkeun Anjeunna?
Mun Anjeunna nyumput, saha nu bisa ningali Anjeunna?
Rék Anjeunna nyumput ti hiji bangsa atawa ti saurang jelema, tungtungna mah sarua.
30 Anjeunna teu ngidinan jalma nu teu kenal ka Allah* pikeun maréntahAtawa pikeun masang jiret keur jalma-jalma.
31 Anjeun nyarios ka Allah,’Abdi dihukum padahal teu salah nanaon.
32 Sok béjaan naon nu teu kaharti ku abdi.Lamun abdi nyieun salah, moal sakali-kali deui dilampahkeun.’
33 Mémangna Allah kudu mayar ganti rugi sakumaha kahayang anjeun, padahal anjeun sorangan nu teu narima putusana-Na?
Anjeun nu kudu mutuskeun rék narima putusana-Na atawa henteu, lain abdi.
Jadi, sok caritakeun naon kanyaho anjeun.
34 Jalma bijaksana jeung boga pangartiNu ngadéngékeun abdi bakal ngomong kieu,
35 ’Omongan Ayub téh omongan jalma nu kurang pangarti.Kekecapanana nunjukkeun manéhna kurang pamahaman.’
36 Keun wéh Ayub sina diuji* bébéakan.Jawabanana téh teu béda ti jalma jahat.
37 Manéhna téh geus mah boga dosa, barontak deuih.Ayub keprok hareupeun urang tanda ngahina.Omonganana teterusan ngalawan Allah nu bener.”
Catetan Tambihan
^ Atawa ”mentingkeun bangsawan tibatan jalma leutik”.
^ Atawa ”bayangan”.
^ Atawa ”nu murtad”.
^ Atawa bisa jadi ”Bapa, keun wéh Ayub sina diuji”.
