Habakuk 3:1-19
3 Doa Nabi Habakuk dina lagu sedih:
2 Nun Yéhuwa, abdi tos nguping nu dipidamel ku Gusti.
Abdi tajub pisan, nun Yéhuwa.
Tindakan-tindakan Gusti nu hébat téh pidamel deui dina jaman abdi sadaya.*
Tindakan-tindakan Gusti téh témbongkeun deui dina jaman abdi sadaya.*
Waktu kaayaan kacow, mugia Gusti émut ka abdi sadaya sarta némbongkeun welas asih.
3 Allah datang ti Téman,Allah Nu Suci datang ti Gunung Paran. (Sela)*
Kaagungana-Na minuhan langit.Bumi pinuh ku pujian ka Anjeunna.
4 Sinar Anjeunna kawas cahaya nu ngagebray.
Panangan-Na ngaluarkeun dua cahaya,Nya di dinya kawasa-Na disumputkeun.
5 Wabah panyakit datang miheulaan Anjeunna,Muriang nu parah nuturkeun Anjeunna.
6 Waktu Anjeunna eureun, bumi eundeur.
Barang diteuteup ku Anjeunna, bangsa-bangsa ngadarégdég.
Gunung-gunung nu aya ti jaman purba diancurkeun,Pasir-pasir* nu aya ti jaman baheula sarujud.
Éta tindakan-tindakan Anjeunna ti jaman baheula.
7 Abdi ningal kasusah di kémah-kémah Kusyan.
Kaén-kaén kémah di tanah Midian gumeter.
8 Nun Yéhuwa, Gusti téh ambekna ka walungan-walungan?Ka maranéhna kitu amarah Gusti ngagedur?
Atawa Gusti téh ambekna ka laut?
Gusti tumpak kuda Gusti,Karéta-karéta kuda Gusti mawa kaunggulan.*
9 Busur panah Gusti tos dikaluarkeun, siap dianggo.
Tongkat-tongkat* siap dianggo sakumaha sumpah Gusti. (Sela)
Ku walungan-walungan, Gusti meulah bumi.
10 Ningal Gusti, gunung-gunung murungkut bakating ku sieun.
Hujan bahé ti langit,
Cai nu jero ngaguruh
Sarta nyebrot ka luhur.
11 Panonpoé jeung bulan teu obah di langit.
Anak-anak panah Gusti ngabelesat kawas cahaya.
Tumbak Gusti gugurilapan kawas kilat.
12 Gusti ngurilingan bumi bari ambek.
Bakating ku ambek, Gusti ngaleyek bangsa-bangsa.
13 Gusti maju pikeun nyalametkeun umat Gusti, pikeun nyalametkeun jalma nu dilantik ku Gusti.
Gusti ngancurkeun pamingpin imahna jalma jahat.
Imahna diancurkeun ti pondasi nepi ka hateupna. (Sela)
14 Sirah para prajuritna ku Gusti ditojos maké senjatana* soranganWaktu abdi sadaya* rék dipaburencaykeun ku maranéhna.
Maranéhna resep pisan ngadodoho jeung ngancurkeun jalma nu sangsara.
15 Bari tumpak kuda, Gusti meuntasan laut,Ngaliwatan cai nu motah.
16 Nguping éta, abdi ngadégdég.Nguping warta éta, biwir abdi ngageter.
Tulang-tulang laleuleus,Suku abdi ngeleper.
Tapi abdi bakal tenang ngantosan poé kasusahan éta,Lantaran éta bakal ninggang ka jalma nu nyerang abdi sadaya.
17 Najan tangkal ara teu kembangan,Sareng tangkal anggur teu buahan,Najan tangkal zaitun gagal panén,Sareng kebon teu ngahasilkeun dahareun,Najan embé laleungitan ti kandangna,Sareng kandang sapi karosong,
18 Abdi mah bakal gumbira ku karana Yéhuwa.Abdi bakal suka bungah ku karana Allah Jurusalamet abdi.
19 Yéhuwa Gusti Nu Maha Agung téh kakuatan abdi.Suku abdi ku Anjeunna dijadikeun lincah kawas suku uncal,Ku kituna abdi bisa leumpang di tempat-tempat nu luhur.
Catetan Tambihan
^ As. ”di antara taun-taun éta”.
^ As. ”di antara taun-taun éta”.
^ Tingali Daptar Istilah.
^ Atawa ”Bukit-bukit”.
^ Atawa ”kasalametan”.
^ Atawa bisa jadi ”Anak-anak panah”.
^ As. ”tongkatna”.
^ As. ”abdi”.
