Jabur 143:1-12
Lagu karangan Daud.
143 Nun Yéhuwa, dangukeun doa abdi.
Dangukeun waktu abdi sasambat ménta tulung.
Jawab abdi, lantaran Gusti téh satia jeung adil.
2 Hamba Gusti ieu ulah diadilan,Sabab teu aya saurang-urang acan nu teu boga dosa ka* Gusti.
3 Musuh ngungudag abdi,Manéhna nindes sarta ngéléhkeun abdi.
Gara-gara manéhna, abdi cicing di tempat nu poék lir jalmi nu tos lami maot.
4 Abdi tos teu sumanget deui,*Haté abdi tos baal.
5 Abdi émut kana waktos-waktos nu kapungkur.
Abdi ngalenyepan sagala padamelan Gusti,Abdi bener-bener mikirkeun* tindakan Gusti.
6 Abdi nadahkeun leungeun pikeun ngadoa ka Gusti.
Abdi ngaraos sono ka Gusti kawas tanah garing nu sono ka cai. (Sela)
7 Nun Yéhuwa, énggal jawab abdi.
Kakuatan abdi tos téréh séép.
Ulah miceun beungeut ka abdi,Sabab lamun kitu, abdi bakal jiga jalma-jalma nu turun ka liang kubur.
8 Unggal énjing abdi hoyong ngadangu ngeunaan asih satia Gusti,Sabab abdi percaya ka Gusti.
Tuduhkeun jalan anu kedah ditempuh ku abdi,Sabab mung ka Gusti abdi nyuhunkeun pituduh.
9 Nun Yéhuwa, salametkeun abdi ti musuh-musuh.
Abdi dongkap ka Gusti supaya abdi dijaga ku Gusti.
10 Ajarkeun carana ngalampahkeun kahoyong Gusti,Sabab Gusti téh Allah abdi.
Gusti téh bageur,Mugia kawasa Gusti nungtun abdi di jalan nu aman.
11 Nun Yéhuwa, demi nami Gusti, jaga abdi sangkan tetep hirup.
Salametkeun abdi tina kasusah, sabab Gusti téh adil.
12 Binasakeun* musuh-musuh abdi, sabab Gusti téh nyaah* ka abdi.
Musnakeun sadaya nu nyerang abdi,Sabab abdi téh hamba Gusti.
Catetan Tambihan
^ Atawa ”nu bener di payuneun”
^ Atawa ”tos taya tanaga”.
^ Atawa ”Abdi diajar”.
^ As. ”Bungkem”.
^ Atawa ”nunjukkeun asih satia”.
