Jabur 20:1-9
-
Allah nyalametkeun raja nu dilantik ku Anjeunna
-
Aya nu ngandelkeun karéta perang jeung kuda, ”tapi urang mah sasambat ka nami Yéhuwa” (7)
-
Keur pamingpin musik. Lagu karangan Daud.
20 Mugia Yéhuwa ngajawab doa anjeun* waktu keur susah.
Mugia Allahna Yakub ngajaga anjeun waktu anjeun sasambat ka nami-Na.
2 Mugia Anjeunna ngirim bantuan ti tempat suci-NaSarta nguatkeun anjeun ti Zion.
3 Mugia Anjeunna inget kana sagala pangbakti anjeun.
Mugia Anjeunna resep narima korban beuleuman anjeun.* (Sela)
4 Mugia kahayang haté anjeun dikabulkeun ku AnjeunnaSarta sagala rencana* anjeun dilancarkeun.
5 Abdi sadaya bakal sarurak bungah lantaran kaunggulan anjeun.
Abdi sadaya bakal ngangkat bandéra-bandéra pikeun ngamashurkeun nami Allah abdi sadaya.
Mugia Yéhuwa nyumponan sagala paménta anjeun.
6 Ayeuna abdi terang, Yéhuwa nyalametkeun* jalma nu dilantik ku Anjeunna.
Doana dijawab ku Anjeunna ti tempat suci-Na di sorga.
Jalma éta disalametkeun ku Anjeunna ku panangan katuhu-Na.
7 Aya nu ngandelkeun karéta perang, aya ogé nu ngandelkeun kuda,Tapi urang mah sasambat ka nami Yéhuwa Allah urang.
8 Maranéhna rarubuh jeung lalabuh,Tapi urang mah cengkat jeung nangtung ajeg deui.
9 Nun Yéhuwa, salametkeun raja!
Jawab abdi sadaya waktu sasambat ménta tulung.
Catetan Tambihan
^ Katingalina, kekecapan dina ayat 1-5 téh ucapan rahayat ka raja.
^ As. ”Mugia Anjeunna nganggap korban beuleuman anjeun téh gajih”.
^ Atawa ”niat”.
^ Atawa ”méré kaunggulan gedé ka”.
