Jabur 30:1-12
-
Kasedih jadi kagumbiraan
-
Kasaéan Allah téh bisa dirasakeun saumur-umur (5)
-
Lagu keur ngaresmikeun imah. Jabur karangan Daud.
30 Nun Yéhuwa, abdi badé ngagungkeun Gusti lantaran Gusti tos ngajait* abdi.
Gusti teu ngantep abdi diseungseurikeun ku musuh-musuh.
2 Nun Yéhuwa Allah abdi, abdi sasambat ménta tulung ka Gusti, seug ku Gusti abdi dikuatkeun deui.
3 Nun Yéhuwa, Gusti ngaluputkeun abdi ti jero Kuburan.*
Ku lantaran Gusti, abdi tetep hirup.
Gusti teu ngantep abdi asup ka liang kubur.
4 Hé, umat-Na nu saratia,Kawihkeun pupujian* kanggo Yéhuwa,Haturkeun nuhun kanggo nami-Na nu suci.
5 Anjeunna lamun ambek téh tara lami,Tapi kasaéana-Na mah bisa dirasakeun saumur-umur.
Reup peuting, bijil cipanon.
Ari bray beurang, surak gumbira.
6 Waktu ngarasa tenang, abdi ngomong,”Abdi moal bakal kumaha-kumaha.”*
7 Nun Yéhuwa, waktu abdi dipikaresep ku Gusti,Abdi jadi kuat kawas gunung.
Tapi waktu Gusti miceun beungeut, abdi jadi sieun.
8 Nun Yéhuwa, ka Gusti abdi terus sasambat.
Ka Yéhuwa abdi terus nyuhunkeun dipikawelas.
9 Naon untungna lamun abdi maot, lamun abdi turun ka liang kubur?
Bisa kitu kekebul muji Gusti atawa nyaritakeun kasatiaan Gusti?
10 Nun Yéhuwa, dangukeun abdi, sing karunya ka abdi.
Tulungan abdi, nun Yéhuwa.
11 Gusti ngagentos kasedih abdi ku tarian suka bungah.
Gusti ngalaanan kaén goni nu dipaké ku abdi tuluy digentos ku baju kagumbiraan.
12 Ku kituna abdi moal ngabetem, abdi badé ngawihkeun pupujian kanggo Gusti.
Nun Yéhuwa Allah abdi, abdi badé muji Gusti salamina.
Catetan Tambihan
^ Atawa ”ngangkat”.
^ Atawa ”Syéol”. Tingali Daptar Istilah.
^ Atawa ”Pék maén musik”.
^ As. ”oyag”.
