Jabur 48:1-14
Lagu. Jabur karangan turunan Korah.
48 Yéhuwa téh agung jeung layak dipujiDi kota Allah urang, di gunung-Na nu suci.
2 Gunung Zion di tungtung kalér téhLuhur jeung éndah sarta mawa kabagjaan ka sakuliah bumi.
Éta téh kotana Raja Agung.
3 Di munara-munara nu dibénténgan,Allah geus nunjukkeun yén Anjeunna téh tempat nyalindung* nu aman.
4 Ténjo! Raja-raja geus ngarumpul.*
Maranéhna maraju bareng.
5 Waktu ningali kota éta, maranéhna rareuwaseun.
Maranéhna lalumpatan sarieuneun.
6 Di dinya maranéhna ngadégdég kasieunan.
Maranéhna kasiksa kawas awéwé nu keur ngajuru.
7 Ku angin ti wétan, Gusti ngancurkeun kapal-kapal Tarsyis.
8 Urang geus ngadéngé naon nu dipidamel ku Allah, tapi ayeuna urang nénjo soranganDi kotana Yéhuwa pangawasa pasukan sorga, di kotana Allah urang.
Ieu kota ku Allah disina ajeg salalanggengna. (Sela)
9 Di bait Gusti,Abdi sadaya ngémut-ngémut asih satia Gusti, nun Allah.
10 Kawas nami Gusti, pujian kanggo Gusti géNepi ka tungtung-tungtung bumi, nun Allah.
Panangan katuhu Gusti pinuh ku sagala nu bener.
11 Mugia Gunung Zion bungah,Mugia kota-kota* Yéhuda galumbira, lantaran putusan Gusti nu adil.
12 Pék leumpang ngurilingan Zion,Itung munara-munarana.
13 Perhatikeun témbok-témbokna nu kuat.
Pariksa munara-munarana nu dibénténgan,Supaya ku aranjeun engké éta bisa dicaritakeun ka turunan aranjeun.
14 Sabab Allah ieu téh Allah urang keur salalanggengna.
Anjeunna bakal nungtun urang salilana.*
Catetan Tambihan
^ Atawa ”tempat luhur”.
^ Atawa ”geus jangjian ngarumpul”.
^ As. ”barudak awéwé”.
^ Atawa bisa jadi ”nepi ka maot”.
