Jabur 5:1-12
Keur pamingpin musik: Pikeun Néhilot.* Lagu karangan Daud.
5 Nun Yéhuwa, dangukeun doa abdi.
Perhatikeun kasedih abdi.
2 Nun Raja jeung Allah abdi, dangukeun jumerit abdi ménta tulung,Lantaran ka Gusti abdi ngadoa.
3 Nun Yéhuwa, Gusti bakal ngadangukeun sora abdi énjing-énjing.
Waktu panonpoé bijil, abdi bakal ngungkabkeun kahariwangan abdi sarta ngantosan jawaban ti Gusti.
4 Gusti téh sanés Allah nu resep kana kajahatan.
Moal aya jalma jahat nu bakal terus bareng jeung Gusti.
5 Jalma adigung moal bisa ngadeg di payuneun Gusti.
Gusti ijid ka kabéh jalma nu lalampahanana jahat.
6 Gusti bakal ngabasmi tukang bohong.
Yéhuwa geuleuh ka jalma nu kejem* jeung sok nipu.
7 Tapi abdi bakal lebet ka bumi Gusti ku lantaran asih satia Gusti nu sakitu ageungna.
Abdi bakal sujud ngadep ka bait suci* Gusti dibarengan ku rasa hormat.
8 Nun Yéhuwa, abdi téh dikurilingan ku musuh. Bingbing abdi di jalan Gusti nu bener.
Tungtun abdi di jalan Gusti ngarah abdi teu titajong.
9 Omongan maranéhna téh teu bisa dipercaya.
Eusi haténa téh ngan nu jahat hungkul.
Biwir maranéhna lir kuburan nu molongo.
Maranéhna muji-muji ku létahna.
10 Tapi maranéhna bakal dianggap salah ku Allah.
Maranéhna bakal cilaka ku siasatna sorangan.
Maranéhna sing diusir lantaran kasalahanana lobaSarta barontak ngalawan Gusti.
11 Tapi kabéh jalma nu nyalindung ka Gusti bakal bungah.
Maranéhna bakal sarurak gumbira.
Maranéhna ku Gusti bakal dijaga ti jalma jahat.
Jalma nu cinta ka nami Gusti bakal bungah ku karana Gusti.
12 Nun Yéhuwa, Gusti bakal ngaberkahan jalma bener.
Lir taméng gedé, Gusti bakal ngalindungan jalma nu dipikaresep ku Gusti.
