Jabur 72:1-20
Ngeunaan Sulaéman.
72 Nun Allah, ajarkeun hukum Gusti ka raja,Sarta bantu raja* ngarti kana bebeneran Gusti.
2 Mugia anjeunna bener dina ngurus perkara umat GustiSarta adil ngabéla umat Gusti nu ditindes.
3 Mugia gunung-gunung mawa katengtreman ka bangsa éta,Sarta pasir-pasir* mawa kaadilan.
4 Mugia anjeunna ngabéla* jalma leutik nu aya di bangsa éta,Nyalametkeun anak-anakna jalma miskin,Sarta numpes tukang tipu.
5 Maranéhna bakal hormat* ka Gusti sapanjang panonpoé cahayaan,Sapanjang bulan aya di langit,Ti jaman ka jaman.
6 Anjeunna bakal kawas hujan nu turun ka tegal jukut,Kawas hujan gedé nu ngabaseuhan bumi.
7 Waktu anjeunna maréntah, jalma bener bakal subur kawas jukut nu héjo,*Sarta di mana-mana bakal aya katengtreman salila bulan aya kénéh di langit.
8 Anjeunna bakal maréntah* ti laut ka lautSarta ti Walungan Éfrat nepi ka tungtung-tungtung bumi.
9 Penduduk gurun keusik bakal sarujud ka anjeunna,Sarta anjeunna bakal ngéléhkeun musuh-musuhna.*
10 Raja-raja ti Tarsyis jeung ti pulo-pulo bakal mayar upeti.
Raja-raja ti Syéba jeung Séba bakal mawa hadiah.
11 Kabéh raja bakal sarujud ka anjeunna,Kabéh bangsa bakal ngalalayanan anjeunna.
12 Anjeunna bakal nulungan jalma miskin nu sasambat ménta tulung,Sarta nulungan jalma leutik jeung jalma nu teu boga panulung.
13 Anjeunna bakal karunya ka jalma leutik jeung jalma miskinSarta nyalametkeun nyawa jalma miskin.
14 Maranéhna bakal dibébaskeun* ti jalma nu kejem jeung sok nindes.
Nyawa* maranéhna téh penting pisan dina pandangan anjeunna.
15 Mugia anjeunna panjang umur sarta dihadiahan emas ti Syéba.
Mugia anjeunna terus didoakeun,Sarta mugia anjeunna diberkahan sadinten jeput.
16 Di bumi bakal aya loba sisikian,Puncak-puncak gunung gé bakal kaamparan ku sisikian.
Hasil kebonna laleubeut lir leuweung di Lébanon,Kota-kotana bakal pinuh ku jelema lir jukut di bumi.
17 Mugia nami anjeunna tetep aya salilanaSarta kamashur sapanjang surya aya di langit.
Mugia jalma-jalma narima berkah ku lantaran anjeunna.
Mugia kabéh bangsa nyebut anjeunna téh jalma bagja.
18 Mugia Allah Yéhuwa, Allahna Israél dipuji.
Mung Anjeunna nyalira anu ngadamel perkara-perkara nu hébat.
19 Mugia nami-Na nu mulya dipuji salamina.
Mugia kamulyaana-Na minuhan sakuliah bumi.
Amin. Amin.
20 Ieu panutup doa-doa Daud anak Isai.
Catetan Tambihan
^ As. ”putra raja”.
^ Atawa ”bukit-bukit”.
^ Atawa ”jadi hakimna”.
^ As. ”sieun”.
^ As. ”bakal sirungan”.
^ Atawa ”bakal boga rahayat”.
^ As. ”Sarta musuh-musuhna bakal ngalétakan kekebul”.
^ Atawa ”ditebus”.
^ As. ”Getih”.
