Kidung Agung 2:1-17
2 ”Abdi mah ngan saukur kembang biasa* di tegalan di sisi laut,Ngan kembang bakung di lebak.”
2 ”Di antara para mojang,Kakasih Engkang téh ibarat kembang bakung di rungkun cucuk.”
3 ”Di antara para jajaka,Kakasih abdi téh ibarat tangkal apel di antara tatangkalan nu aya di leuweung.
Hoyong pisan ngiuhan handapeunana,Buahna téh meni aramis.
4 Abdi ku anjeunna dicandak ka tempat pésta.Sadayana terang, cintana téh ngan keur abdi hungkul.
5 Pasihan kuéh kismis ngarah abdi seger,Pasihan apel ngarah abdi kuat.Abdi téh taya daya bakating ku cinta-cintana.
6 Sirah abdi disangkéh ku panangan kéncana,Panangan katuhuna nangkeup abdi.
7 Wanoja-wanoja Yérusalém, aranjeun kudu sumpahDemi kijang jeung demi uncal bikang nu aya di tegalan:
Mun abdi teu bogoh mah, ulah ngajurung-jurung abdi boga rasa cinta.
8 Kadangu sora kakasih abdi!
Tingali! Anjeunna téh keur ka dieu,Nanjak ngaliwatan gunung-gunung jeung ngaluncatan pasir-pasir.*
9 Kakasih abdi téh lir kijang, lir anak uncal jalu.
Tuh, keur ngadeg tukangeun témbok,Nempo tina jandéla,Tina kisi-kisina.
10 Kakasih abdi nyarios kieu,
’Enéng nu dipikanyaah,Ka dieu atuh, geulis, hayu ngiring sareng Engkang.
11 Usum* hujan* tos liwat,
Hujan tos raat.
12 Kekembangan tos bareukah di désa,Dahan-dahan anggur tos waktuna dipangkas,Tikukur gé tos engguk-enggukan di désa urang.
13 Buah nu mimiti ti tangkal ara tos arasak.Tangkal anggur tos karembangan, seungitna meni meleber.
Enéng nu dipikanyaah, ka dieu atuh, geulis,
Hayu ngiring sareng Engkang.
14 Enéng nu ibarat japati nu nyumput dina sela-sela batu karang,Di sela-sela gawir,Engkang hoyong neuteup éndahna raray Enéng,Hoyong nguping sora Enéng nu halimpu.’”
15 ”Tuh, téwakan rubah-rubah,Anak-anak rubah nu ngaruksak kebon anggur urang,Sabab kebon anggur urang téh keur karembangan.”
16 ”Kakasih abdi téh nu abdi, abdi nu anjeunna.
Anjeunna ngangon domba di antara kembang-kembang bakung.
17 Sateuacan angin ngahiliwir, sateuacan kalangkang* leungit,Énggal mulih, Engkang kakasih abdi.Peuntasan gunung pamisah urang, lir kijang atawa anak uncal jalu.
Catetan Tambihan
^ As. ”kembang safron”.
^ Atawa “bukit-bukit”.
^ Atawa ”Usim”.
^ Atawa ”tiris”.
^ Atawa ”bayangan”.
