Kidung Agung 3:1-11
3 ”Saban peuting ari geus di ranjang téhSok kainget waé kakasih abdi.
Meni sono pisan, tapi anjeunna teu aya di dieu.
2 Jadi abdi téh mikir, ’Abdi rék hudang, ngurilingan kota.Rék néangan kakasih abdiKa jalan-jalan jeung ka tempat-tempat umum.’
Ku abdi ditéangan, tapi teu kapanggih waé.
3 Abdi paamprok jeung tukang-tukang jaga nu ngurilingan kota,
Seug ku abdi ditanya, ’Punten, ningali kakasih abdi teu?’
4 Kakara gé ninggalkeun maranéhna,Gok paamprok jeung kakasih abdi.
Ku abdi dicekelan jeung teu dileupaskeun,Tuluy dibawa ka bumina ibu abdi,Sup urang téh asup ka bumina ibu nu ngalahirkeun abdi.
5 Wanoja-wanoja Yérusalém, aranjeun kudu sumpahDemi kijang jeung demi uncal bikang nu aya di tegalan:
Mun abdi teu bogoh mah, ulah ngajurung-jurung abdi boga rasa cinta.”
6 ”Naon itu anu mumbul ti lebah tanah gurun jiga haseup ngebul?Seungitna lir seungit emur* jeung menyan,Lir wedak seungit nu dijual ku para sudagar.”
7 ”Leuh, geuning éta téh tanduna* Sulaéman.
Di sakuriling éta tandu,Aya 60 prajurit Israél.
8 Masing-masing boga pedangJeung jago tarung.Pedangna ditalian kana cangkéng maranéhna.Kabéhanana siap tarung mun aya nu nyerang peuting-peuting.”
9 ”Éta téh tanduna Raja Sulaéman,Anu dijieun ku anjeunna tina tangkal-tangkal ti Lébanon.
10 Tihang-tihang dina korsina* dijieun tina pérak,Séndéranana dijieun tina emas,
Babantalna tina wol ungu.Jero tanduna dihiasKu putri-putri Yérusalém maké kanyaah.”
11 ”Hé mojang-mojang Zion, geura kalaluar,Tingali Raja Sulaéman.Dina poé anjeunna nikah,Poé kabagjaanana,Anjeunna nganggo makuta* nu dijieun ku ibuna.”
Catetan Tambihan
^ Geutah seungit. Tingali Daptar Istilah.
^ Korsi nu dipanggul nu biasana dipaké keur mawa jalma penting.
^ Katingalina, ieu ngamaksudkeun tihang-tihang paranti nyangga tiung, ngarah raja teu kapanasan.
^ Atawa ”makuta tina kembang”.
