Kidung Agung 7:1-13
7 ”Duh Enéng nu bageur,Sampéan Enéng nu disendal téh kacida éndahna!
Cangkéng Enéng éndah lir perhiasan,Hasil karya seniman.
2 Udel Enéng téh lir cacangkir anu bunder,
Nu cianggurna teu séép-séép.
Patuangan Enéng lir tumpukan gandumNu diriung ku kembang bakung.
3 Buah dada Enéng lir dua anak uncal,Lir anak kijang kembar.
4 Beuheung Enéng lir munara gading.
Soca Enéng lir kolam di Hésbon,Caket gerbang Bat-rabim.
Pangambung Enéng lir munara LébanonNu nyanghareup ka Damaskus.
5 Mastaka Enéng éndah lir Gunung Karmél,Sarta rambut Enéng lir wol ungu.
Raja kapincut ku rambut Enéng nu ngarumbay.
6 Enéng nu dipikacinta, Enéng téh kacida geulisna.Enéng téh kacida pikaresepeunana, leuwih-leuwih ti sagala hal nu nyenangkeun!
7 Salira Enéng téh lir tangkal palem,Buah dada Enéng lir ranggeuyan korma.
8 Ceuk abdi téh, ’Éta tangkal palem rék ditaékanNgarah buahna bisa dipetik.’
Mugia buah dada Enéng lir rantuyan buah anggur,Seungit napas Enéng lir seungit buah apel,
9 Sarta baham Enéng lir cianggur nu panghadéna.”
”Mugia éta ngageleser maseuhan biwir kakasih abdiNepi ka anjeunna saré tibra.
10 Abdi téh nu kakasih abdi,Nu dipikahoyong ku anjeunna téh mung abdi.
11 Engkang kakasih abdi, ka dieu atuh.Hayu urang angkat ka désa,Urang reureuh di antara kembang pacar.
12 Urang gugah énjing-énjing, tuluy ka kebon anggur.Urang tingali anggur tos marentik can,Kembang tos bareukah can,Sarta dalima tos karembangan can.
Tah, di dinya abdi badé ngungkabkeun kanyaah ka Engkang.
13 Buah dudaim* tos kaambeu seungitna.Di caket panto aya sagala rupi bubuahan nu pangsaéna.
Nu anyar sareng nu tos lami dipetik,Disimpen ku abdi kanggo Engkang, kakasih abdi.
Catetan Tambihan
^ Ieu buah sok didahar ku awéwé, sabab jalma-jalma percaya ieu buah bisa ngabantu awéwé ngandung.
