Nu Ditulis ku Markus 16:1-8
-
Isa dihirupkeun deui (1-8)
16 Jadi sanggeus liwat poé Sabat, Maryam Magdaléna, Maryam indungna Yakobus, jeung Salomé meuli rempah-rempah seungit rék dibalurkeun kana jasadna Isa waktu maranéhna datang ka makam.
2 Dina poé nu kahiji minggu éta, isuk-isuk pisan pas meleték panonpoé, maranéhna datang ka makam.
3 Maranéhna pada ngomong kieu, ”Engké saha atuh nu manggulingkeun batu tutup makamna?”
4 Tapi barang ditingali, batuna geus digulingkeun padahal batuna gedé pisan.
5 Waktu asup ka jero makam, maranéhna ningali aya lalaki ngora nu diuk di beulah katuhu maké jubah bodas. Atuh maranéhna rareuwaseun.
6 Lalaki éta ngomong ka maranéhna, ”Ulah reuwas. Maranéh pasti rék ngalongok Isa urang Nazarét nu geus dihukum pati dina tihang. Manéhna geus dihirupkeun deui, teu aya di dieu. Sok tingali tempat manéhna digolérkeun.
7 Ayeuna jung indit, béjaan murid-muridna jeung Pétrus, ’Manéhna geus indit ti heula ka Galiléa. Engké maranéh bakal panggih di ditu, sakumaha pesen manéhna.’”
8 Jadi, maranéhna kaluar jeung lalumpatan ti éta makam bari ngadégdég lantaran tarajubeun pisan. Maranéhna gé teu ngomongkeun ieu ka sasaha da sarieuneun.*
Catetan Tambihan
^ Numutkeun naskah-naskah kuno nu bisa dipercaya, Injil Markus ditutup ku kekecapan di ayat 8.
