Mikha 6:1-16
6 Sok déngékeun ucapan Yéhuwa.
Geura ngadeg, caritakeun pangbéla maranéh ka gunung-gunung,Keun pasir-pasir* sina ngadéngé sora maranéh.
2 Hé gunung-gunung jeung pondasi-pondasi bumi nu weweg,Déngékeun pangbéla Yéhuwa.Yéhuwa boga perkara hukum jeung umat-Na.Anjeunna bakal ngadakwa kieu ka Israél,
3 ”Hé umat Kuring, geus migawé naon Kuring ka maranéh téh?
Mémangna Kuring nyusahkeun maranéh?
Coba sebutkeun pangbéla maranéh.
4 Kuring geus ngabudalkeun maranéh ti Mesir,Nebus maranéh ti tempat pangbudakan.Kuring ngutus Musa, Harun, jeung Miryam ka maranéh.
5 Hé umat Kuring, sing inget kana rarancang Raja Balak ti Moab,Sarta kumaha dijawabna ku Biléam anak Béor.Sing inget kana kajadian ti Syitim nepi ka Gilgal,Supaya maranéh nyaho yén tindakan Yéhuwa téh bener.”
6 Kuring ngadep ka Yéhuwa téh rék mawa naon?
Kuring sujud ka Allah nu aya di sorga téh rék ngabaktikeun naon?
Kuring téh kudu ngabaktikeun kurban beuleumanJeung anak sapi nu umurna sataun, kitu?
7 Mémangna Yéhuwa resepeun lamun dihaturanan domba jalu mangrébu-rébuJeung minyak nu kacida lobana?
Kuring téh kudu ngabaktikeun anak cikal keur kasalahan kuring,Atawa kudu ngabaktikeun anak sorangan keur dosa kuring, kitu?
8 Hé manusa, Allah geus nerangkeun naon nu hadé ka manéh.
Naon nu dipiharep ku Yéhuwa ti manéh?
Anjeunna ngan miharep manéh adil, mikaresep kasatiaan,*Sarta kudu rendah haté di payuneun Allah.
9 Sora Yéhuwa bakal kadéngé di kota.Jalma nu bijaksana bakal hormat* ka nami-Na.*
Perhatikeun hukuman,* sarta perhatikeun Anjeunna nu geus nangtukeun hukuman éta.
10 Di imahna jalma jahat téh masih aya kénéh teu harta hasil kajahatanJeung takeran nu teu bener nu dipikageuleuh ku Allah?
11 Mémangna kuring moal dianggap salah* lamun maké timbangan nu teu bener,Atawa maké batu timbangan nu curang?
12 Jalma-jalma beunghar di éta kota téh kejem,Rahayatna tukang bohong,Létah maranéhna dipaké nipu.
13 ”Ku kituna, maranéh rék dibéré hukuman nu beurat ku Kuring,Rék diculkeun ku sabab dosa-dosa maranéh.
14 Maranéh bakal dahar, tapi moal seubeuh,Angger bakal lapar.
Maranéh ngakutan barang-barang, tapi éta moal aman.Barang-barang nu geus disimpen téh ku Kuring rék dibikeun ka musuh maranéh.
15 Maranéh bakal nebar binih, tapi moal ngala hasilna.
Maranéh bakal nincakan zaitun, tapi moal bisa maké minyakna.Maranéh bakal nyieun cianggur anyar, tapi moal bakal nginum cianggurna.
16 Pangna kitu téh lantaran maranéh nuturkeun paréntah Omri jeung kalakuan kulawarga Ahab.Maranéh nuturkeun naséhat maranéhna.
Éta sababna maranéh bakal dihukum ku Kuring.Jalma-jalma bakal sarieuneun ningali kaayaan maranéh.Maranéh bakal dihina* ku penduduk kota,
Direndahkeun ku bangsa-bangsa.”
Catetan Tambihan
^ Atawa ”bukit-bukit”.
^ Atawa ”bageur, nyaahan, jeung satia”. As. ”mikaresep asih satia”.
^ As. ”sieun”.
^ As. ”nami Gusti”.
^ As. ”tongkat”.
^ Atawa ”kuring bakal dianggap bersih”.
^ As. ”dihéotan”.
