Yosua 19:1-51
19 Hasil undi nu kadua téh keur kulawarga-kulawarga ti kaom Siméon. Tanah warisan maranéhna aya di daérah milik kaom Yéhuda.
2 Tanah warisan maranéhna téh nyaéta Béér-syéba, Syéba, Molada,
3 Hazar-syual, Bala, Ézém,
4 Éltolad, Bétul, Horma,
5 Ziklag, Bét-markabot, Hazar-susa,
6 Bét-lébaot, jeung Syaruhén, kabéhanana aya 13 kota sarta désa-désana;
7 Ain, Rimon, Étér, jeung Asyan, kabéhanana aya opat kota sarta désa-désana;
8 salian ti éta, kabéh désa di sakurilingeun kota-kota éta nepi ka Baalat-Béér, nyaéta Rama di beulah kidul. Éta tanah warisan nu ditarima ku kulawarga-kulawarga ti kaom Siméon.
9 Tanah warisan keur turunan Siméon dicokot ti bagian kaom Yéhuda lantaran daérahna kaom Yéhuda lega teuing. Jadi, turunan Siméon narima tanah di daérah kaom Yéhuda.
10 Terus hasil undi nu katilu téh keur kulawarga-kulawarga ti turunan Zébulon. Wates tanah warisan maranéhna téh nepi ka Sarid.
11 Wates daérah maranéhna naék ka kulon ka Maréal nepi ka Dabésyét, tuluy ka lebak di hareupeun Yoknéam.
12 Ti Sarid, watesna terus ka wétan ka arah panonpoé medal ka watesna Khislot-tabor, ka Dabérat, tuluy naék ka Yafia.
13 Ti dinya, watesna terus ka wétan ka arah panonpoé medal, ka Gat-Héfér, ka Ét-kazin, ka Rimon, tuluy ka Néa.
14 Di kalér, watesna méngkol ka Hanaton jeung tungtungna di Lebak Ifta-él.
15 Daérahna gé kaasup Katat, Nahalal, Syimron, Idala, jeung Bétléhém. Kabéhanana aya 12 kota sarta désa-désana.
16 Éta tanah warisan nu ditarima ku kulawarga-kulawarga ti turunan Zébulon, kota-kota sarta désa-désana.
17 Hasil undi nu kaopat téh keur kulawarga-kulawarga ti turunan Isakhar.
18 Wates daérah maranéhna téh nyaéta Yizréél, Khésulot, Syuném,
19 Hafaraim, Syion, Anaharat,
20 Rabit, Kisyion, Ébéz,
21 Rémét, Én-ganim, Én-hada, jeung Bét-pazéz.
22 Watesna téh nepi ka Tabor, Syahazuma, Bét-syémés, jeung tungtungna téh Walungan Yordan. Kabéhanana aya 16 kota sarta désa-désana.
23 Éta tanah warisan nu ditarima ku kulawarga-kulawarga ti kaom Isakhar, kota-kota sarta désa-désana.
24 Hasil undi nu kalima téh keur kulawarga-kulawarga ti kaom Asyér.
25 Wates daérah maranéhna téh nyaéta Hélkat, Hali, Bétén, Akhsyaf,
26 Alamélékh, Amad, jeung Misyal. Ka beulah kulon, watesna téh nepi ka Karmél jeung Syihor-libnat.
27 Tuluy watesna malik ka wétan ka Bét-dagon nepi ka daérah Zébulon jeung Lebak Ifta-él di kalér, ka Bét-émék jeung Néiél, terus ka Kabul di beulah kénca,
28 ti dinya ka Ébron, Réhob, Hamon, jeung Kanah nepi ka Sidon Gedé.
29 Watesna malik ka Rama nepi ka kota Tirus nu dibénténgan. Tuluy wates éta malik ka Hosa, jeung tungtungna ka laut di daérah Akhzib,
30 Uma, Afék, jeung Réhob. Kabéhanana aya 22 kota sarta désa-désana.
31 Éta tanah warisan nu ditarima ku kulawarga-kulawarga ti kaom Asyér, kota-kota sarta désa-désana.
32 Hasil undi nu kagenep téh keur kulawarga-kulawarga ti turunan Naftali.
33 Wates daérah maranéhna dimimitian ti Héléf jeung tangkal gedé di Zaananim, tuluy ka Adaminékéb jeung Yabnéél nepi ka Lakum, tungtungna di Walungan Yordan.
34 Wates éta malik ka kulon ka Aznot-tabor, tuluy ka Hukkok nepi ka daérah Zébulon di kidul, daérah Asyér di kulon, jeung ka wétan ka daérah Yéhuda* di Walungan Yordan.
35 Kota-kota nu dibénténgan téh nyaéta Zidim, Zér, Hamat, Rakat, Khinérét,
36 Adama, Rama, Hazor,
37 Kédés, Édréi, Én-hazor,
38 Yiron, Migdal-él, Horém, Bét-anat, jeung Bét-syémés. Kabéhanana aya 19 kota sarta désa-désana.
39 Éta tanah warisan nu ditarima ku kulawarga-kulawarga ti kaom Naftali, kota-kota sarta désa-désana.
40 Hasil undi nu katujuh téh keur kulawarga-kulawarga ti kaom Dan.
41 Wates tanah warisan maranéhna téh nyaéta Zora, Éstaol, Ir-syémés,
42 Syaalabin, Aiyalon, Itla,
43 Élon, Timnah, Ékron,
44 Éltékéh, Gibéton, Baalat,
45 Yéhud, Béné-bérak, Gat-rimon,
46 Mé-yarkon, jeung Rakon, kaasup wates daérah nu nyanghareup ka Yopa.
47 Tapi daérah suku Dan téh leutik teuing, jadi maranéhna merangan Lésyém, ngarebut kotana, jeung maéhan pendudukna ku pedang. Sanggeus ngarebut kota éta, maranéhna matuh di dinya. Tuluy ngaran Lésyém diganti jadi Dan, nyaéta ngaran karuhun maranéhna.
48 Éta tanah warisan nu ditarima ku kulawarga-kulawarga ti kaom Dan, kota-kota sarta désa-désana.
49 Ku kituna, maranéhna bérés ngabagi-bagi tanah éta ngarah unggal kaom narima warisanana masing-masing. Tuluy urang Israél méré tanah warisan ka Yosua anak Nun di daérah maranéhna.
50 Sakumaha paréntah Yéhuwa, maranéhna méré kota nu dipénta ku Yosua, nyaéta Timnat-séra di daérah pagunungan Éfraim. Jadi, manéhna ngabangun éta kota tuluy matuh di dinya.
51 Éta tanah warisan nu dibagi-bagikeun ku Imam Éléazar, Yosua anak Nun, jeung para pamingpin kulawarga ti unggal kaom Israél ku cara diundi di Syilo di hareupeun Yéhuwa, di lawang kémah tepangan. Ku kituna, tanah éta bérés dibagi-bagikeun.
Catetan Tambihan
^ Katingalina ieu téh lain ngamaksudkeun kaom Yéhuda, tapi kulawarga saurang lalaki ti Yéhuda.
