Aya miliaran jalma nu ngaku sabagé urang Kristen, tapi nu dipercaya ku maranéhna téh béda-béda. Patokan hirup maranéhna gé béda-béda. Jadi, jiga kumaha urang Kristen nu sajati téh?

1. Saha nu disebut urang Kristen téh?

Urang Kristen téh murid-muridna Isa Al-Masih. (Baca Kisah 11:26.) Tapi, maranéhna kudu kumaha pikeun ngabuktikeun yén maranéhna téh muridna Nabi Isa? Nabi Isa ngomong, ”Lamun maranéh tetep nyekel pangajaran urang, maranéh bener-bener murid urang.” (Yahya 8:31) Hartina, kabéh urang Kristen sajati téh kudu ngajalankeun pangajaran Nabi Isa. Kabéh nu diajarkeun ku Nabi Isa téh dasarna tina Alkitab. Jadi, kabéh nu dipercaya ku urang Kristen sajati gé dasarna kudu tina Alkitab.​—Baca Lukas 24:27.

2. Kumaha urang Kristen sajati némbongkeun kanyaah?

Ceuk Nabi Isa ka murid-muridna, ”Maranéh kudu silih pikanyaah sakumaha urang geus mikanyaah maranéh.” (Yahya 15:12) Naon buktina Nabi Isa nyaah ka murid-muridna? Manéhna daék nyadiakeun waktu pikeun gaul, nguatkeun, jeung ngabantu murid-muridna. Manéhna gé nepi ka réla masrahkeun nyawana keur murid-muridna. (1 Yahya 3:16) Kiwari, urang Kristen sajati gé teu ngan saukur ngajarkeun ngeunaan kanyaah. Maranéhna ngabuktikeun kanyaah liwat ucapan jeung tindakan.

3. Urang Kristen sajati sibuk ngalakukeun naon?

Baheula, Nabi Isa méré tugas ka murid-muridna. ”Isa ngutus maranéhna pikeun ngawawarkeun Pamaréntahan Allah.” (Lukas 9:2) Dina abad kahiji, urang Kristen sibuk ngawawar. Maranéhna teu ngan ngawawar di tempat-tempat ibadah hungkul, tapi ogé di tempat-tempat umum jeung ka imah-imah batur. (Baca Kisah 5:42; 17:17.) Kiwari ogé, urang Kristen nu sajati sibuk ngawawarkeun warta tina Alkitab ka jalma-jalma di mana waé. Maranéhna téh nyaah ka sasama. (Markus 12:31) Éta sababna, maranéhna daék ngagunakeun waktu jeung tanagana pikeun ngawawarkeun warta tina Alkitab. Éta warta téh bisa méré harepan jeung nengtremkeun haté.

 HAYU NGULIK

4. Maranéhna néangan bebeneran dina Alkitab

5. Maranéhna ngawawarkeun bebeneran tina Alkitab

 6. Maranéhna ngajalankeun naon nu diwawarkeun

Saurang lalaki nu ngaranna Tom yakin yén manéhna geus manggihan agama Kristen nu sajati. Ku naon bisa kitu? Setél VIDÉO, terus bahas:

• Ku naon Tom embung percaya deui ka agama?

• Ku naon ahirna Tom yakin manéhna téh geus manggihan agama Kristen nu sajati?

Kabéh nu diomongkeun ku urang téh percumah lamun teu dibuktikeun ku tindakan. Baca Matius 7:21, terus bahas:

• Mana nu leuwih penting keur Nabi Isa, urang ngaku sabagé muridna atawa ngabuktikeunana liwat tindakan?

7. Maranéhna silih pikanyaah

• Kumaha sikep murid-muridna Nabi Isa (urang Kristen sajati) ka batur nu suku bangsana béda?

• Mun aya perang, urang Kristen bakal kumaha?

 INTI BAB

Urang Kristen sajati téh nuturkeun pangajaran Alkitab, silih pikanyaah, réla nyieun pangorbanan, jeung ngawawarkeun bebeneran tina Alkitab.

Nu geus dibahas

• Kapercayaan urang Kristen sajati téh dasarna tina naon?

• Sipat naon nu jadi ciri urang Kristen sajati?

• Urang Kristen sajati ngajalankeun tugas naon?