Dina kahirupan téh aya loba hal nu éndah. Saupama urang aya masalah gé, pasti aya waé hal nu nyieun urang bagja. Kumaha carana nunjukkeun yén urang ngahargaan kurnia kahirupan, jeung ku naon urang kudu ngahargaanana?

1. Ku naon urang kudu ngahargaan kahirupan?

Urang kudu ngahargaan kahirupan sabab éta téh kurnia ti Bapa urang nu nyaahan, nyaéta Yéhuwa. Anjeunna téh ”sumber kahirupan”, atawa nu nyiptakeun sakabéh mahluk. (Jabur 36:9, NW) ”Anjeunna nu méré kahirupan, napas, jeung sagalana ka sakabéh manusa.” (Kisah 17:25, 28) Yéhuwa geus nyadiakeun sagala hal nu dibutuhkeun supaya urang bisa terus hirup jeung bagja.​—Baca Kisah 14:17.

2. Kumaha carana nunjukkeun ka Yéhuwa yén urang ngahargaan kurnia kahirupan?

Ti saprak anjeun aya di jero kandungan kénéh, Yéhuwa téh geus merhatikeun anjeun. Baheula saurang hamba Allah, nyaéta Daud, ngadoa kieu, ”Memeh abdi lahir ku Gusti parantos katingali.” (Jabur 139:16) Yéhuwa téh ngahargaan pisan nyawa anjeun. (Baca Matius 10:29-31.) Jadi lamun aya nu bunuh diri atawa maéhan batur, Yéhuwa téh sedih pisan. a (Budalan 20:13) Yéhuwa gé sedih lamun urang teu ati-ati nepi ka ngabahayakeun nyawa sorangan jeung nyawa batur. Jadi, mun urang ngajaga kasalametan diri sorangan jeung batur, éta hartina urang ngahargaan kurnia kahirupan.

 HAYU NGULIK

3. Jaga kaséhatan

Urang Kristen nu geus ngabaktikeun diri bakal ngagunakeun kahirupanana pikeun ngawula Yéhuwa. Manéhna saolah-olah geus ngabaktikeun awakna pikeun jadi korban keur Allah. Baca Roma 12:1, 2, terus bahas:

• Ku naon anjeun kudu ngajaga kaséhatan?

• Kumaha carana?

 5. Hargaan kahirupan jabang bayi

Daud ngajelaskeun yén Yéhuwa merhatikeun saurang jalma ti saprak manéhna aya di jero kandungan kénéh. Baca Jabur 139:13-15, 17, terus bahas:

• Keur Yéhuwa, iraha kahirupan saurang jalma dimimitian? Waktu manéhna aya di jero kandungan kénéh atawa sanggeus manéhna lahir?

Yéhuwa méré hukum ka bangsa Israél dina jaman baheula pikeun ngalindungan saurang ibu jeung jabang bayina. Baca Budalan 21:22, 23 (NW), terus bahas:

• Kumaha parasaan Yéhuwa ka jalma nu teu ngahaja maéhan jabang bayi?

• Kumaha parasaan Yéhuwa ka jalma nu ngahaja maéhan jabang bayi? b

• Na anjeun satuju kana pandangan Yéhuwa? Ku naon?

Setél VIDÉO.

Saurang awéwé nu ngahargaan kahirupan gé bisa waé ngarasa kudu aborsi. Baca Yesaya 41:10, terus bahas:

• Mun aya nu ngadesek saurang awéwé pikeun aborsi, awéwé éta sakuduna ménta tulung ka saha? Ku naon?

 INTI BAB

Alkitab ngajarkeun supaya urang ngahargaan jeung ngajaga kurnia kahirupan ti Yéhuwa, jadi urang kudu ngajaga kasalametan urang sorangan jeung batur.

Nu geus dibahas

• Ku naon kahirupan manusa téh penting keur Yéhuwa?

• Kumaha parasaan Yéhuwa mun aya nu bunuh diri atawa maéhan batur?

• Ku naon anjeun ngahargaan kurnia kahirupan?