Sétan ngagoda manusa sangkan ngalampahkeun kagoréngan. Saha waé nu hayang jadi sobat Allah kudu mikangéwa naon anu dipikangéwa ku Yéhuwa. (Jabur 97:10) Aya sababaraha kagoréngan anu kudu disingkahan ku sobat-sobat Allah:

Dosa-Dosa Birahi. ”Ulah ngaranyed [jinah].” (Budalan 20:14) Ngumbar napsu birahi saméméh nikah ogé salah.​—1 Korinta 6:18.

Mabok. ”Pamabokan . . . moal meunang asup ka Karajaan Allah.”​—1 Korinta 6:10, Sunda Formal.

Maéhan, Ngagugurkeun Kandungan. ”Ulah maehan.”​—Budalan 20:13.

Pulang-paling. ”Ulah maling.”​—Budalan 20:15.

Ngabohong. Yéhuwa mikangéwa ”sungut nu bohong”.​—Siloka 6:16-19.

 Katelengesan sarta Ngumbar Amarah. ”Ulah sirik ka nu telenges, jeung ulah hayang nurutan.” (Siloka 3:31) ”Napsu badan [kaasup] . . . ngumbar amarah.”​—Galata 5:19, 20.

Judi. ”Ulah campur jeung jelema anu . . . hawek.”​—1 Korinta 5:11.

Mikangéwa Jalma nu Béda Sélér Bangsa. ”Ka musuh ge kudu nyaah, ka nu neungteuinganan kudu ngadoakeun.”​—Mateus 5:43, 44.

Allah masihan terang hal-hal ieu téh pikeun mangpaat urang. Henteu gampang nyingkahan kalakuan-kalakuan anu goréng. Tapi, ku ayana pitulung ti Yéhuwa sarta Saksi-Saksi-Na, Sadérék tiasa nyingkahan kalakuan-kalakuan anu henteu nyenangkeun Allah.​—Yesaya 48:17; Jabur 55:23; Ibrani 10:24, 25.