ALESANANA: Sangkan dipirido ku Yéhuwa, nu diajar Alkitab kudu ngabaktikeun kahirupanana jeung dibaptis. (1Pet 3:21) Jalma nu ngabaktikeun diri jeung ngalaksanakeun jangjina bakal dijaga sacara rohani. (Jab 91:1, 2) Urang Kristen ngabakti ka Yéhuwa, lain ka manusa, pagawéan, atawa organisasi. Ku kituna, nu diajar Alkitab kudu ningkatkeun kanyaah jeung pangajénna ka Allah.—Rum 14:7, 8.

CARANA:

• Waktu diajar Alkitab, bahas kumaha palajaran éta ngungkabkeun sipat-sipat Yéhuwa. Tandeskeun pentingna maca Alkitab unggal poé jeung ngadoa ka Yéhuwa ”saban waktu”.—1Tes 5:17; Yak 4:8

• Anjurkeun nu diajar Alkitab pikeun nyieun tujuan rohani nyaéta ngabaktikeun diri jeung dibaptis. Bantu manéhna pikeun miboga tujuan nu bisa dihontal ayeuna, saperti méré koméntar di pasamoan atawa ngawawar ka tatangga jeung batur gawé. Inget yén Yéhuwa teu maksa saha waé pikeun nyembah Mantenna. Ngabaktikeun diri téh putusan pribadi.—Pam 30:19, 20

• Anjurkeun nu diajar Alkitab pikeun nyieun parobahan sangkan bisa nyenangkeun Yéhuwa jeung nyumponan sarat pikeun dibaptis. (Sil 27:11) Bisa jadi nu diajar Alkitab téh boga adat kakurung ku iga. Manéhna perlu dibingbing pikeun ngaganti kapribadian nu heubeul ku kapribadian nu anyar. (Epe 4:22-24) Témbongkeun artikel ”Alkitab Mengubah Kehidupan” tina Menara Pengawal

• Caritakeun suka bungahna Sadérék dina ngawula ka Yéhuwa.—Yes 48:17, 18