Unggal taun, urang ngarep-ngarep acara rohani di kongrés régional. Sangkan nu séjén gé bisa ngarasakeun kahadéan Yéhuwa, urang bakal ngondang saloba-lobana jalma hadir ka éta acara. (Jab 34:9) Unggal badan kokolot bakal nangtukeun cara pangalusna pikeun ngabagikeun saloba-lobana ondangan.

• Iraha kongrésna diayakeun?

• Ti iraha ondanganana dibagikeun?

• Iraha waé riungan dines lapangan diayakeun?

• Naon nu hayang kuring hontal?

• Saha waé nu rék kuring ondang?

Sanggeus méré salam, Sadérék bisa ngomong:

”Di sakuliah dunya, abdi sadaya nuju ngabagikeun ondangan acara nu penting pisan. Tanggal, waktu, sareng tempatna aya dina ondangan ieu. Upami Sadérék tiasa, mangga sumping.”

Sanajan urang hayang ngondang saloba-lobana jalma ka kongrés, urang ogé kudu mupuk minat maranéhna.

Dina ahir minggu, Sadérék bisa nawarkeun ondangan jeung publikasi séjénna.